燒汁豬扒炒飯 + 薑蔥蓉伴菜心 + 齋 3 味 ( 外賣 ) + 傳統蕃薯糖水

依家經濟唔好   好多店舖都唔駛等到 x'mas 已經 further sale   所以尋晚同里奧大人一齊放工去 michel rene  因為係最後一日做 promotion   所以即刻買咗 6 件裇衫 + 3 條 tie  都係 8 百幾咋   尋晚仲係   真係平到震呀   

買完就番屋企喇   其實真係好想食埋飯先番屋企   但前日已經醃咗豬扒  唔整唔得   所以最後都係要番屋企煮飯喇 

是日晚餐 - 燒汁豬扒炒飯 + 薑蔥蓉伴菜心 + 齋 3 味 + 傳統蕃薯糖水 
燒汁豬扒炒飯 - 有肉有飯   咁樣整真係幾方便   味道又唔錯喎  

薑蔥蓉伴菜心 - 唔想食咁多蠔油    又唔想 sai d 蔥尾   所以就整咗薑蔥蓉件菜心喇 

齋 3 味 -  喺 "自家素食 " 買嘅  $18 有 3 樣   所以就揀酸齋  齋叉燒同齋鴨腎喇   不過味道就麻麻 

傳統蕃薯糖水  ( 強勁版 ) - 里奧大人話黃芯先甜喎   所以咪又整兩個試下囉   黃芯又真係好似好味過紫心咁喎   不過呢  食完飯即食糖水真係好飽   里奧大人喊住話 "太大碗喇  太多蕃薯喇   出街食無咁多蕃薯架   咁多當飯食都得喇   下次唔好煮咁多喇   1 個蕃薯夠架喇 "     咩咁煩架   食就食啦      

尋晚真係好飽   烏低身時覺得好辛苦   有 d 喘咁   可能真係飽得滯呀 

                       

    

       

     

     

     

     

     

     

今朝又同媽咪  朱朱食早餐   不過覺得今朝有 d 凍   所以唔願起身呢   

晏晝我扮哂好人問里奧大人想食咩  ( 其實我真係諗唔到想食咩 )  之後我又話去佢最鍾意果間啦 ( 即興記 )   佢開心到震   因為佢勁鍾意食福字麵呢