粟米龍脷柳碟頭飯

去完慈善步行就出赤柱行下   因為我好小會特登入赤柱呢  

行咗陣覺得又熱又攰   又好計想飲凍奶茶   所以去咗最近嘅赤柱餐廳喇

無咩胃口  只係食炭燒肉眼根米線 + 紫菜四寶麵   估唔到 d 麵好爽  辣汁又唔錯喎

食完黎料    因為對腳好痛呀   所以要抖陣先出去行呀 

唔知點解成日都唔識用力   所以用錯力落斜   搞到對腳超痛呀   

諗番起喺青春乎少艾果陣時行萬里長城   又係落黎嘅時間用錯力   搞到痛咗成晚無覺好瞓    至此就好怕落斜 lu     

實在無心情再行   索性坐巴士出尖沙咀    又係好想飲凍嘢  所以走咗去大家樂食 tea   飲完杯可樂真係好爽呀   之後就去醫院探奶奶喇  

探到 6 點幾就走喇     途經 Lamborghin   里奧大人話 30 % off 就入去 look look  希望佢想要嘅袋有得平    實在勁開心呀   想要嘅袋居然 50% off   里奧大人拿拿聲買呀  仲問因為經濟好定係季節性減價     sales 姐姐話係金融海嘯大減價喎   佢話從未試過做 50% off 架  最多都係 8 折   估唔到經濟真係差成咁   唉    

里奧大人驚我辛苦  所以話出去食  但我又覺得有時間  唔想成日食街嘢   最大問題係我居然唔係太想食嘢嘛     如果出街食   食唔哂好似好 sai 嘢咁   之後我係都話煮飯   里奧大人都好驚訝愕然話  做咩成日要煮飯嘅  

是日懶餐 - 粟米龍脷柳碟頭飯
粟米龍脷柳碟頭飯 - 用地們粟米蓉整嘅  但覺得個汁杰咗 d   不過都好好食喎 

食完就影埋慈善步行送嘅嘢    有防曬  兒童防曬  濕紙巾 + body shop 嘅 shower gel + 海棉    最鍾意就係紅噹噹嘅環保袋      唔知點解我勁鍾意儲環保袋    我見到有嘢係用環保袋裝住就會雙眼發光笑咪咪架   里奧大人就好驚我呢樣嘢呢   成個傻婆咁喎

         

     

     

     

     

     

     

今朝對腳仲痛到屎屎下   行路辛苦到震呀

早餐食芝腿菠蘿包 + 奶茶 ( $17 )    要食多 d 芝士補補鈣先 ( 幻想中 ) 

番到菇場忙到不可開交     但係呢   對腳又痛到無心機      所以 meme摩摩等到晏晝先做  lu 

唔想行咁遠  因為唔想行樓梯  只能同里奧大人去距離我公司 50 步嘅舖頭食米線