梅菜蒸肉餅 + 蒜蓉炒金菇

尋晚特登接里奧大人放工    好在佢都精神   咁我都安樂 d 

之前已經醃好咗 d 免治豬肉   所以番到屋企都好快可以食飯喇  

 

是日懶餐 - 梅菜蒸肉餅 + 蒜蓉炒金菇
梅菜蒸肉餅 - 最緊要清  最緊要快   所以就整肉餅喇   其實我最憎食肉餅   啖啖肉好唔健康呢  

蒜蓉炒金菇 - 擺咗成個星期   再唔食就會變壞架喇  

估唔到 8 點前可以食完飯洗埋碗   諗住沖涼   點知里奧大人話不如陪佢睇埋 "畢打自己人 " 先沖啦    難得佢睇電視劇 relax  喎    咁梗係陪啦  

睇完之後佢就做公司嘢    不過都好嘅  咁即係代表佢已經完全康復哂丫嘛 

依家點懶都好   都要比自己食生果    食完木瓜又他他條條睇下電視呢   

                             

         

     

    

    

     

    

    

今朝 6 點 3 起身    因為約咗媽咪  朱朱食早餐呀  

真係好眼瞓    但聽日 off 我想喺屋企休息   所以幾眼瞓都好   都要同佢地食早餐呢 

 

 

 

 

 

 

 

 

 

 

 

 番到菇場要拿拿臨做完哂手頭上嘅嘢   因為我唔鍾意堆埋 d 嘢唔做呀 

晏晝問里奧大人想食咩   點知佢極度興奮話去興記食豬扒麵     所以咪同佢去囉   難以佢開口話食嘛   同埋今朝媽咪比咗樽竹蔗水    可以潤下  最多今晚清 d 囉     我早餐仲未落格    所以食豬扒包算喇