a 貨臘腸排骨煲仔飯 + 紅青蘿蔔粟米栗子豬骨響螺湯

尋日同里奧大人食埋 lunch 先去威院覆診  去到時間啱啱好 

難得去沙田  幾日前已經諗定行一田   點知睇見報紙 d 人買嘢買到好似唔駛錢咁   都知真係超多人  但我今日成副戰鬥格裝備  所以都去睇睇咩環境  點知真係多人多到顛    supermarket 又係多人到顛   有 d 零食餅乾真係平  但唔係好多款咋  而其他都係 95 折  但點解都咁多人買嘢架    本來我都諗住買    但睇見 cashier 條龍長到丫  仲要個個都係成車嘢咁   我估 at least 要排一個鐘呀   最終都放棄呢 

無咩幾何咁早番屋企   所以就買材料煲湯同買餸喇 

諗住番到屋企抖下   點知又忍唔住洗衫 熨衫同執屋   簡直係賢妻典範呀 

是日晚餐 - a 貨臘腸排骨煲仔飯 + 紅青蘿蔔粟米栗子豬骨響螺湯
a 貨臘腸排骨煲仔飯 - 里奧大人好鍾意食煲仔飯  所以整煲 a 貨佢嘆下  佢話好好味好香   不過唔好話係煲仔飯喎   因為煲仔飯唔係咁喎  記得要加個 " 扮 " 字呀    車   求其啦  有得食仲嘈  真係丫 

紅青蘿蔔粟米栗子豬骨響螺湯 -  唔係讚自己  呢煲湯真係極度超甜   可能多料啊   如果次次都係咁好飲就好喇  

                 

 

 

 

 

 

 

今朝又同媽咪 朱朱飲茶   但又唔覺得好攰  仲諗埋第時如果老咗咁早起身做晨運都好喎

唔知係咪早得滯  所以朱朱都好似未瞓醒咁  乖乖咁坐定定   又着埋衫仔   真係成個人仔咁架

老細 off    番到菇場都無心機做嘢  但都會做嘅  因為我係一個好員工嘛