菜心 + 雪梨蘋果花膠豬骨湯 + 綠茶椰果凍

唔想成日喺屋企附近食嘢   所以出咗去大埔墟熟食中心食嘢   食馳名魚蛋粉 + 海南雞飯    

食完就去醫院探奶奶    出到去時間尚早    所以去食唯珍食北京餡餅 + 煎餃子   再加多支椰汁   十分十分飽呀 

探咗奶奶一陣就走喇   因為醫院太多菌   里奧大人又啱啱好番   都係唔好逗留咁耐喇   

同里奧大人食得太飽   本來我諗住煮雞翼   但最後都唔煮    因為實在食唔落呢 

是日懶餐 - 菜心 + 雪梨蘋果花膠豬骨湯
菜心 - 唔食飯都要食條菜啊  感覺上有 d 餸落肚嘛    

雪梨蘋果花膠豬骨湯 - 6個雪梨 + 2 個蘋果 + 8片花膠 + $25 豬骨 + 3 粒蜜棗    煲兩個半鐘頭就搞掂    雖然又刨又切都幾煩   但又真係好清潤好甜呢    我好怕用削皮器削皮   因為之前整到我流血    今次又唔小心削到忽指甲出黎    嚇到我即刻用刀批皮   時間耐 d  但我覺得安全好多呢   

整哂所有嘢就睇獎門人   都幾好笑     可能對佢無期望啦  

一路睇一路食自己整嘅綠茶椰果凍    好好味呀 

依家經濟唔好    係時候要清哂雪柜廚柜所有嘢  唔好未用完就買買買    所以呢排都會多咗 d 自家制品呢   

講過要早睡早起   所以 10 點半就瞓覺 lu  

 

                                      

             

   

   

   

   

   

   

今朝天氣好凍咁呀   不過就好舒服囉    因為我太多肥肉   所以實在太唔鍾意夏天喇  

好耐無食   所以今朝又食番芝腿菠蘿包 + 凍奶茶 ( $17 )  唔知係咪天氣清爽關係   今朝食早餐都食得開心過人呀  

番到菇場勁多嘢做    不過今日心情靚   所以幾多嘢做都好無所謂呀

晏晝同里奧大人食車仔麵     食完慢慢行番公司    當做運動好舒服呢