金泰苑泰國餐廳 @ 九龍城 ( 11-AUG-2013 )

泰式春卷 - 好味   香口嘢嘛

香酥魚鬆拌青芒絲 - 細咗好多 lu  

酸辣鳳爪 - 好味呀   夠哂辣

鹹肉椰菜苗 - 我好鍾意食椰菜苗   不過鹹肉唔脆皮   同埋得好少   加埋好似一粒細骰仔咁咋 

香草辣椒牛肉碎炒河 - 佢哋話無河粉   咁諗住叫第啲   之後佢哋話有人出緊去買緊河粉   叫我哋要番喎

冬蔭功湯 (蝦) - Menu 係有 3 隻辣椒   咁我哋話要再加辣   不過估都估唔到呢個湯係甜甜哋囉   好難飲

珍多冰 - 媽咪最鍾意有嘢咬嘅飲品

石榴子冰 - 里奧大人最愛   不過好多都無石榴子冰囉   所以見到要即叫啦

( 11-AUG-2013  SUN )

今朝 10 點 15 分起身   梳洗之後食早餐   食完原來已經 11 點   無諗過咁晏   我又未沖涼   所以番唔切教會喇 ~

咁里奧大人去剪髮   我就焗曲奇啦   啲朱古力 13/8 到期   所以我一定要整哂   同埋今晚見到家姐   要比埋佢呀   因為我真係麻麻哋曲奇呢 ~

11 點半入廚房   2 點 15 分先出番嚟   熱鬼到呢   不過清哂將會過期嘅朱古力真係好開心   但係仲有半包低粉係月底到期   都唔知整咩好   睇嚟應該都要掉喇 ~

之後再焗埋尋晚食剩嘅 Pizza 做 Tea   食完我再熨 2 機衫   之後沖涼抖抖喇   里奧大人就去睇電腦 ~

今晚同埋媽咪 家姐去金泰苑食飯   佢哋幫里奧大人預祝生日   又比埋大利是   發達啦 ~

我第一時間比盒曲奇家姐   我用咗佢之前喺酒店買比我食嘅蝴蝶酥嘅盒裝比佢   佢見到幾開心呀   之後一開見到我啲曲奇個樣就變哂   都唔係好難食啫   只不過無人哋整得咁好食之嘛   哈 ~

我哋 7 點開始食   食下抖下差唔多 8 點半就走人 lu ~

番到屋企換對波鞋就一齊出發去徑步喇   好似好耐無徑步   今日徑番覺得好正   鬆鬆筋骨真係唔錯呢 ~