別府 @ 九龍灣 ( 2-AUG-2013 )

( 2-AUG-2013  FRI )

尋晚半夜無啦啦個肚又扯住痛   典嚟典去   嚇到里奧大人問我駛唔駛入醫院   好搞笑   好在後尾沖個熱水涼   再食藥   抖陣就瞓到   唔係就慘 lu ~

今朝 8 點半起身   都好精神   不過仲係無咩氣   所以打的番菇場呢 ~

買奶茶同 2 份腿治番菇場食   見到 Partner 已經喺度等外賣   估唔到我遲嚟先上岸   我仲早過佢番菇場   唔係最遲嗰個   呵呵 ~

個肚都仲痛   但呢種痛就完全接受到   唔係扯住嗰啲痛   但超勁多嘢做囉   不過我部腦入唔到 System   要去隔離位做   但做到啲又做唔到啲喎   本來 I.T. 人話晏晝嚟   不過最後都係要星期一先嚟   咁我又要拖住啲嘢做唔到  ~  

好快就到 Lunch Time   食埋朝早半份腿治   真係邪   次次買定 Lunch 反而無胃口   但唔買又好鬼餓喎 ~

里奧大人今朝上咗大陸   但 4 點打嚟話番到香港   因為要見客   咁實在太好喇   可以同我食晚飯嘛 ~

我番屋企抖陣先   無耐佢都到九龍灣   我勁想食拉麵同壽司   所以又去別府喇 ~

番到屋企都係 7 點幾咋   實在太好喇   沖埋涼再開機洗衫就抖 lu ~  

里奧大人沖完涼之後無啦啦飲啤酒同食薯片   因為原來屋企無啦啦又上唔到網   所以就 Relax 下咁啦   之後佢 9 點左右瞓喇   話呢幾晚瞓得唔好   咁又係嘅   我成日典黎典去   佢又擔心   不過難得咁早番到屋企反而陪唔到我   都幾搞笑 ~

今晚 10 點幾又唔係太眼瞓   所以睇電視   睇睇下差唔多 12 點   不過其實唔太眼瞓   但聽日要番工就要瞓囉 ~