榨菜木耳肉碎麵 + 牛油香草炒粟米 ( 10-OCT-2013 ) + ( 11-OCT-2013 )

( 10-OCT-2013  THU )

今朝幫菇場掃貨   一去到超市   經理同我講今日咁早嘅   但我無睇時間呀   因為我同平時一樣嘅時間出門口呢   之後買完再望下電話   原來 8 點 35 分咋   咁又真係早喎   平時多數 8 點半先去到嘛 ~

之後去食早餐   8 點 50 分里奧大人打嚟話已經番到公司   再話 8 點半已經到咗九龍塘   點解今日早咗咁多嘅   佢又咁講   咁即係真係早咗喎   但好奇怪又無校早鬧鐘   又無特別行得快   又無話一去到有車   點解咁嘅呢 ~

今朝早咗   所以 9 點半都番菇場喇   坐喺餐廳好鬼凍呀 ~

終於搬哂 Blog   咁可以抖抖 lu   又可以做下自己嘢   唔錯唔錯 ~

今日有 Lunch Box   食完本來想出去行   但又好攰咁   所以都係上網算喇 ~

放工去超市買豬肉   之後就番屋企   醃好豬肉就抖陣   今晚自己食   所以未夠 7 點就煮晚餐   快啲食快啲休息 ~

個肚谷住谷住痛   好似作每月一到咁   所以 7 點 40 分即去診所掛號   仲以為即刻有得睇添   等到 8 點 10 分先到我   不過拎定病假紙就安心好多   唔想成日心掛掛嘛 ~

好攰呀   都係唔徑步   沖完涼就睇報紙   呢排成日打機   好似好耐無睇報紙咁 ~

里奧大人差唔多 9 點先放工   10 點先番到屋企   等佢食埋再切火龍果比佢   清清熱氣呢 ~            
是日懶餐 - 榨菜木耳肉碎麵 + 牛油香草炒粟米

榨菜木耳肉碎麵 - 用美味棧嘅榨菜木耳絲   加埋瘦肉碎一齊炒   估唔到都幾好味   我自己就煮公仔麵   因為今日到期   煮比里奧大人就係擔擔麵   其實只係加 2 湯匙擔擔麵醬   超級勁方便   佢話好味過出街食   太客氣喇   不過知佢鍾意食   我都好開心架   話哂佢做嘢咁辛苦   有胃口食哂已經好好呢 ~      

牛油香草炒粟米 - 懶呀   又想食粟米   所以用罐頭粟米咋   加埋牛油香草一齊炒   好好味呀   真係唔知幾多年無煮過 lu ~

里奧大人 11 點仲做公司嘢   叫我瞓先   不過我又想睇之前錄咗嘅飲食節目   睇到 11 點 45 分就瞓喇 ~    
  
( 11-OCT-2013  FRI )

今朝里奧大人要見客   所以可以 8 點半先起身   其實我都勁想瞓   不過算啦   鬧鐘響咗   唔想隔半個鐘又響   咁等里奧大人可以瞓好啲呢 ~   

早餐食腿蛋治烘底   可能有啲餓    所以覺得好好食呀 ~

原來每月一到   唔怪得咁攰啦   同埋個肚有少少唔舒服   最慘係超級勁眼瞓   所以晏晝請 S/L 番屋企休息 ~

買咗個朱古力紙杯蛋糕   食咗半個覺得好乾   所以食個杯麵喇   今次最勁係無開冷氣   就咁吹住風扇一路食 ~   

個肚又唔係話好痛   所以都無咩點瞓   咁就睇番之前錄咗啲飲食節目   睇到差唔多 5 點幾先瞓到   不過瞓咗半個鐘就醒 lu ~

仲諗住今日舒服咁過添   點知差唔多 8 點幾開始痛   但都無之前咁痛   叫做好咗啲啦   不過都係嘔   所以又沖個勁熱水涼   係就係沖完好舒服   但次次一出嚟就暈暈哋   可能真係勁熱呀   好似人哋焗桑拿咁呢 ~

里奧大人成 10 點幾先番到屋企   之後見佢話食杯麵咋   陰公   不過我唔理得佢咁多啦   因為我要瞓覺喇 ~