叉燒炒麵 + 油麥菜 ( 9-OCT-2013 )

( 9-OCT-2013  WED )

終於朝早喇   即係肯定晴晴佢哋已經到咗澳洲   咁我可以鬆一口氣喇   佢哋由上機嗰刻   我就開始 Count 時間   好似果時里奧大人出 Trip 咁   每過一個鐘就最開心   因為代表好快到目的地嘛 ~

喊到對眼腫哂   又勁黑眼圈   個樣真係生人物近   因為好嚇人呢 ~

早餐食雪菜肉絲五香肉丁米   雖然五香肉丁係有辣油   但根本一啲都唔辣嘅   所以次次都要加辣椒油先好食呢 ~

番到菇場開 Skype   收到里奧大人姐夫 Skype 話 Arrived Melbourne   咁我個心就定好多喇   希望快啲搵到屋就更加好啦 ~

菇場唔忙   不過心情仲未平復   一諗起晴晴就喊添   淚線太發達喇 ~               

無啦啦 11 點先嚟忙   咁都好嘅   好快到 Lunch Time   我出去行到 1 點先買 Pizza 包番菇場食   所以食完又好快開工咁   哈哈 ~

忙到差唔多 3 點就搞掂喇   抖下又到放工   今晚要去街市   咁放工就即走 lu ~  

買完菜就去太興買叉燒就番屋企   浸菜之後就抖半個鐘   差唔多 7 點就煮飯喇   今晚我要食先呀   因為我要去徑步呢 ~      

是日懶餐 - 叉燒炒麵 + 油麥菜 

叉燒炒麵 - 之前已經想轉另一間麵檔   因為我見到有小小強   同埋又好似越買越貴咁   麵質又唔穩定   咁但又唔想行咁遠去另一檔買喎   但今晚整定要去買另一檔啦   因為買開果檔休息呀   咁我去另一檔買咗 2 個蛋炒麵都係 $7   咁里奧大人又話同之前食開嗰啲無分別   咁下次我都喺呢檔買 lu ~ 

油麥菜 - 個人好攰   睇嘢真係濛查查   我離遠睇到寫住 "油麥生菜"   咁我買完麵就再買菜啦   因為想知道 "油麥生菜" 口感係點嘛   點知近睇   原來係深藍色同黑色水彩筆寫住生菜油麥   點解我睇到油麥生菜嘅   同埋應該要隔開啲寫嘛   一係寫生菜/油麥   咁樣清楚啲囉 ~

里奧大人 8 點半放工   咁我就出去徑步喇   徑咗 5 個圈   番到屋企已經見到里奧大人 lu   不過佢都係番咗嚟幾分鐘   咁就陪埋佢食麵傾下計    等佢食哂   幫佢洗埋碗   我先沖涼啦 ~

呢排成日要見客   所以佢都好多嘢要做   又做到 11 點先瞓   陪佢睇埋新聞   11 點半即瞓喇 ~