皇朝會 @ 灣仔 ( 5-OCT-2013 )

我最想食嘅乳豬   食完之後無再影啦   因為我用手機影好暗呀

開番燈就影下咁啦 

鴛鴦炒飯 - 真係 N 年無食過   因為細細過成日食   食到好驚好驚

紅棗桂圓茶湯丸 - 好香紅棗味

美點雙輝 - 等咗好耐啦   哈哈   啡色嗰件好香紅棗味   同埋好煙韌   咁晴晴 Daddy 坐我同里奧大人中間   所以里奧大人細細聲同佢講   一陣幫手夾比我食   因為佢話見到我兩眼發光望住件紅棗糕呀   但 1 個人只可以夾 1 件咋   所以佢哋一見我食完   又夾比我食   哈哈

( 5-OCT-2013 SAT )

尋晚差唔多 12 點先瞓   所以都係校 8 點鐘先起身   最多食早餐趕啲   同埋遲少少先番菇場 ~

菇場忙下停下   所以好快就放工咁 lu ~

今日又忍唔住去買 2 條廁紙   不過我打咗比里奧大人先   因為如果屋企太多就唔買   佢話仲有 5 條   咁我話我買 2 條算喇   因為我想要汽水   好吸引嘛   之後佢知我好想買   叫我買多 2 條   一陣落黎幫我拎   呵呵   又會咁好嘅 ~

我成日同里奧大人講過無廁紙好無安全感   佢話無錢先無安全感喎   呵呵   所以我次次都會買 10 條 8 條   好多朋友都會再問一次係 10 條定 10 卷 ?!   之後我話 10 條   佢哋以為我住得好偏僻   哈哈

原來買買埋埋都有唔少飲品   仲有 2 Pack 忌廉都唔夠位擺

番到屋企抖陣先   今晚去飲   所以約埋里奧大人姐夫同姑奶 5 點一齊去打牌   其實今日有嘢搞㗎   不過里奧大人姐夫下星期就飛去澳洲   一去就去 5 年   所以陪下佢打啦 ~

同里奧大人去 Mega Box 嘅譽宴飲茶   其實之前去過喜百合   不過唔好飲   稻香就唔去啦   淘大德福都有   潮館又無人飲   所以最後都去譽宴呢 ~

鮮蝦翠苗餃 - 我好鍾意食

蜆芥鯪魚球 - 呢度嘅蜆芥唔好味

松茸鮮蝦腐皮卷 - 唔錯㗎   因為自己唔會整

甜酸炸雲吞 - 一般啦   個甜酸醬唔夠醒胃

蜜餞叉燒腸粉 - 里奧大人最鍾意叉燒腸   我真係麻麻哋叉燒呢 

龍脷菜海底椰 - 里奧大人話喉嚨唔舒服   所以我叫佢飲   不過佢話無味道

飲到 3 點幾就去大眾睇書   之後買埋書就走喇   坐 Shuttle Bus 去德福拎旅行資料   拎完就即去搭地鐵   5 點準時到油塘   之後 Join 埋一齊去皇朝會   由會展去皇朝會差唔多用咗半個鐘   因為佢哋個牌實在太細喇   啲字同顏色又唔顯眼 ~

去到就入房打牌啦   真係新人都未見就去打牌   都幾搞笑 ~

幾勁呀   我第 1 舖係海底撈月呀   之後摸啲牌幾咁靚呀   有 1 舖一開已經係東南西北中發白   咁當然做十三么啦   不過食唔到   哈哈   之後有舖花么   啲牌靚到呢   樣樣都一對對   不過最後又係食唔到   但覺得摸到已經好開心㗎喇   哈哈 

打到 7 點半就打完   不過計埋籌碼   去下廁所   出到去啲人已經埋哂位   咁唔駛影相 lu ~

差唔多 9 點先食   個場又 Romantic   眼瞓到呢 ~

11 點散席   搭地鐵番屋企   差唔多 12 點先番到屋企   沖埋涼抖陣就瞓喇   因為已經 1 點呢 ~