飲咗兩啖 不過好淡味 啱哂我 不過我都係無飲 哈哈 實在唔太鍾意飲啤酒呢
滷水鵝片 (例) - 普普通通啦 仲有豆腐同花生喺底 不過無食
星洲炒米 - 好夠鑊氣又辣 勁惹味
椒絲腐乳炒通菜 - 呢個菜太濕喇 食到我好辛苦
香煎蠔餅 - 好多蠔仔 好香口 但勁漏啦 哈哈
( 9-MAY-2015 SAT )
今朝真係黐咗線 一出門口就 Whatsapp 家姐喺邊 ?! 佢答我喺屋企 咁我好奇怪啦 佢講話 7 點半喺 APM 坐直通巴家嘛 點解會喺屋企嘅 ?! 之後先醒起 佢應該係聽日去旅行先啱 佢都話奇怪我點解咁問 哈哈 ~
食食下早餐 渠王又嚟食 不過我同家姐 Whatsapp 無理佢呀 之後 8 卦又嚟食 家姐話 8 卦係我救星 哈哈 ~
菇場唔忙呀 同 8 卦係咁睇討論區 睇到眼都花 ~
今日里奧大人約咗師傅換光纖上網 所以我放工都番屋企先 lu ~
2 點幾去譚仔 之後經過見到扭蛋 估唔到係 $1 隻 我初初睇到 1x1 都驚自己睇錯 之後見個女仔真係入 $1 咋 所以即同里奧大人講啦 佢都話係咪㗎 ?! 哈哈 之後即唱錢扭蛋喇 ~
我去扭蛋 叫里奧大人影 Chopper 比我睇 條友肯定驚核突啦 都影唔哂比我睇嘅 估錯佢呀 佢自己鍾意嗰啲星矢就多角度影哂
扭完就去 Plata 買鞋 因為 $499 減到 $279 其實之前想買㗎喇 不過成日心大心細 估唔到諗下諗下就諗到減價 實在太開心喇 之後再買多件線衫就走番屋喇 ~
除咗 Chopper 係 $10/隻 其他只係 $1/隻咋
抖咗陣就搭地鐵去深水埗買 Router 咁經過商場又睇一睇扭蛋 見有新嘢又再扭 實在扭得超勁開心過癮 因為依家扭蛋最小要 $15 一隻 同埋仲要係扭到未必係自己鍾意嗰啲喎 依家 $1 次 又有我鍾意嘅菇菇 扭多就拎番去菇場擺 一係就拎出去影相 都幾好 哈哈 ~
又扭咗半個鐘 扭哂我要嘅嘢喇 咁搭地鐵去深水埗喇 ~
今次貴啲 因為扭咗 10 隻 Chopper 扭咗 $100 呀 其他咁大隻菇都係 $1 咋 最勁有啲係特別版都比我扭到幾隻 但嗰啲係勁樣衰囉 哈哈
里奧大人真係好記得我話過高登黃金好焗 所以次次去親 佢都叫我唔好入去 不過我話唔緊要啦 依家咁熱 實會開冷氣嘅 咁一齊行都無所謂啦 ~
買完 Router 再喺地鐵站入面嘅一元堂買咗胎菊同桂花 之後就去佐敦 咁經過裕華就入去睇下有無嘢買 見到有黑茶 咁其實只係想問價錢 但 Promoter 話有得試 咁就坐低試 一試就試咗成半個鐘 最後買咗一盒 之後行多陣超市就走喇 ~
桂花 (2兩) + 特級玫瑰花 (2兩) 合共 $90
極品胎菊 (2兩) $70/2 樽
茯茶 @ 裕華 ($306)
芭樂汁 @ 裕華 ($11/支) 我喺台中飲過好好飲 所以搵咗好耐都唔見有 估唔到裕華有 實在太開心喇 但 Expiry Date 係 8 月 我話買 1 支算啦 里奧大人係都要我買 2 支
天律冬菜 @ 裕華 ($13.5) - 包裝好乾淨 同埋我覺得平 咁買點啦 點知佳寶只係 $9.5 嗚嗚
原來已經 7 點幾 咁一陣諗住去廟街附近買洗頭水 所以喺廟街附近食嘢喇 ~
不過地方都幾迫 食食下嘢 後面個鬼佬一定係食過夜粥 因為佢一踭批落我背脊 我差啲連隔夜飯都嘔埋出嚟呀 之後無耐又批多兩次 好在唔大力 哈哈 ~
食完就去買洗頭水 咁之前我叫 Ivy 再比多次店名同地址我嘛 不過都唔係我上次我買嗰間 我好奇怪囉 咁再去搵啦 終於係我買開嗰間喇 但真係唔同 Ivy 比我嗰間喎 之後再睇清楚 原來真係我之前睇錯呀 哈哈哈哈 Ivy 買果間係髮品店 我買嗰間係千齊髮品店 因為上次我放工坐小巴 啱啱經過千齊 但係千齊個字比較細 髮品店呢 3 個字又大大隻 咁我咪以為係 Ivy 嗰間囉 ~
我鍾意去呢間髮品店 因為個 Staff 講解得好清楚 唔會硬 Sell 貴嘢比妳 同埋我同里奧大人用咗佢介紹啲洗頭水 都覺得 OK 所以今次帶埋里奧大人一齊嚟 等個 Staff 介紹有咩好用 一次過買哂 唔駛下下出去買呢 ~
Lakme - Extreme Cleaner Shampoo ($78) 係里奧大人嘅
Lakme - TEKNIA-Body ($195) 係我嘅
D&J-moist treatment ($150)
左邊 Rejuvenol Curling Baim ($118) 彈力素係我嘅
右邊 Lazulite Pop Mix ($49) 係里奧大人嘅髮泥
搭小巴番屋企 諗住去扭蛋 不過收咗檔 lu 咁唯有等聽日啦 ~
沖埋涼就抖喇 行咗成日咁 但又唔眼瞓喎 所以成 1 點先瞓呀 ~
沒有留言:
發佈留言