王家沙 @ APM 官塘 ( 16-MAY-2015 )

鮮菜肉小籠包 - 唔好味   因為無乜肉汁   好乾咁囉     

鮮肉鍋貼 - 一般啦 

韭菜水餃 - 叫媽咪揀嘢食   佢揀呢碟   又小籠包又鍋貼仲要埋餃子   最慘係唔好食囉    

五香牛展擔擔麵 - 一碗擔擔麵好似 $38   但碗好似 $52 定 $56   但係得 2 塊薄好薄同 1 嚿好細嘅牛展囉   完全唔值   

菠蘿咕嚕肉 - OK 啦   無人諗想食咩   求其叫大路嘢算喇     

馬拉盞通菜 - OK 啦   

上海粗炒 - 無味嘅   但姐夫鍾意食   

豆沙鍋餅 - 唔脆嘅   呢次 Overall 都唔好食   我就一定唔會再嚟   但媽咪就可能想再食囉

 

估唔到用機械人做裝飾   家姐話太古城嗰間係用茶壺   咁茶壺就危險啲   話哂係玻璃嘛

( 16-MAY-2015  SAT )

今朝無咁焗   因為想落雨   哈哈 ~

落車先落雨   所有點都要開遮啦 ~

食飽啲   所以食吉列魚柳餐   同家姐講話啲魚肉滑嘟嘟   最驚食呢啲口感嘅魚   之後家姐話係啲魚肉唔熟   哈哈   黐鬼線   我話啲魚肉散修修㗎喎   同埋又無血水   咪嚇我 ~

菇場居然忙   實在太恐怖   今朝先諗定番到菇場要快啲揀相   之後點點點   真係邪 ~

放工即走   坐巴士去 Mega Box   今日 Aeon 有 95 折   所以想買背囊呢 ~

咁去飲茶啦   因為想 Hea 下   坐低無耐   里奧大人都到 lu ~

蝦片好味呀

不能即吃 ( Deep-fried Glutinous Ball w/Almond Filling ) - 里奧大人問我呢個點心叫乜名   我話叫 "不能即吃"   佢以為我玩嘢呀   所以我叫佢自己睇英文   哈哈

潮州粉果 - 好耐無食   因為好驚啲餡全部都係肥豬肉   好在呢間都無乜肥豬肉呢 

蜜汁叉燒包 - 呢期好鍾意食叉燒包         

爽滑芝麻卷 - 無乜芝麻味   

鵪鶉蛋燒賣 - OK 啦 

四寶滑雞扎 - 里奧大人話唔夠飽   加多碟雞扎

飲到 3 點幾就走喇   諗住買背囊   不過又唔太啱心水   但就比里奧大人買到件防水褸   做緊半價 $699   又啱佢心水   咁買啦   但無貨   要下個月先有得拎 ~

之後佢又再買副太陽眼鏡   又係抵   Nikko 牌字 $159 仲有 9 折   上樓都無呢個價錢   呵呵 ~ 

去埋十蚊店買 2 個膠盒就走喇   行路番九龍灣   番到屋企都差唔多 5 點 lu ~

呢期超級勁攰   原來每月一到   今晚約咗媽咪 家姐 姐夫去王家沙   因為工人都去埋   咁我同里奧大人自己坐地鐵去   所以就行陣官塘廣場先   順便去旅行社攞資料 ~

搞掂哂都 6 點半   要去王家沙喇 ~

傾下食下都 8 點   都要交枱喇   之後陪家姐去 759 買咖啡   咁送埋佢哋落 Lift   我同里奧大人就周圍行下 lu ~

AGFMAXIM 鮮奶咖啡 5P ($14.9/盒有 7 折再 88 折 = $9.18/盒)
AGFMAXIM 朱古力咖啡 4P ($14.9/盒有 7 折再 88 折 = $9.18/盒) 
AGFMAXIM 焦糖濃縮泡沫咖啡 4P ($14.9/盒有 7 折再 88 折 = $9.18/盒)

$39.90 有 7折 再 88折   所以好抵呀   忍唔住買咗 2 盒 

番到屋企 9 點幾   勁攰呀   沖埋涼就抖喇   睇陣電視   11 點即瞓 lu ~