大快活 @ 九龍灣 ( 10-DEC-2016 )

今次食豚肉   同埋蕃茄湯底   估唔到啲洋蔥又幾妹味喎   淥到最後都唔係腍 Pat Pat   

里奧大人嘅臘腸叉燒糯米飯   不過佢話啲叉燒好 "鞋 "   

( 10-DEC-2016  SAT )

今朝約咗定姐食早餐   勁開心呢 ~

家姐想食煙肉   我話可能就咁淥熟咋噃   佢好大反應話唔會呀嘛   咁我話妳叫囉   估唔到真係淥熟   其實好唔明啲餐廳   煎一煎有幾難喎   完全無 Heart 

家姐鍾意食麵包   咁問佢仲有無焗麵包呀 ?!   佢話依家焗少咗   因為姐夫唔多鍾意食   但聽日佢會見到媽咪工人   家姐好開心話會整比工人食   次次佢見親媽咪工人都會整麵包佢食㗎   咁媽咪工人知道係家姐整又會好開心話好好食   好搞笑 ~

食到 8 點 40 分就走 lu   之後一齊去搭車   今朝我遲咗 10 分鐘番菇場   諗住自己最遲   點知有同事 9 點半先番 ~

超級勁忙呀   忙到放工都未完   但就做哂所有 Urgent 嘢先囉   因為星期一放假   一陣佢哋搵唔到嘢就煩 ~

放工即走   番到屋企已經搞掂哂煤氣   不過要等零件   咁寬頻仲整緊   整到 2 點半都終於搞掂   咁同里奧大人去食嘢 lu ~

呢日突然好想食雞翼   我覺得自己依家古古怪怪   成日有啲嘢係突然間好想好想食   

之後再去萬寧買嘢   叫里奧大人做會員   因為我買夠咗 $300   做會員有 9 折   呵呵 ~      

番到屋企仍然執嘢   6 點半就拎嘢去舖頭 lu ~

去大快活打邊爐   咁樣可以坐耐啲嘛   呵呵   搞掂哂就打的番屋企 ~

今晚唔執喇   之前每月一到   用暖水袋敷到個肚勁多水泡   吉穿哂第晚又出番水泡   里奧大人已經鬧鬼死我   因為佢晚晚同我 "吉" 穿水泡再搽藥膏   咁都要用半個鐘㗎   佢話好攰呀   覺得我唔鍚身喎   所以話再唔好就去睇醫生 ~

又係 11 點幾瞓   我都係想 11 點前瞓   早睡早起   時間好用好多呢 ~