金姆指米線 + 滿記甜品 @ 九龍灣 ( 4-DEC-2016 ) + ( 5-DEC-2016 )

牛肉 "乸" 過嘅   以前唔係咁囉 

( 4-DEC-2016  SUN )

今朝瞓到 9 點幾都起身   食埋早餐就打的番屋企執執執 lu ~ 

11 點幾開始執   呢兩晚其實執到條腰好痛   可能又攰   真係行都唔行得快添呀 ~      

望下個鐘   原來又 2 點幾   其實唔餓   但想去食啲嘢坐下囉   呵呵 ~

廚房最多嘢 Un-pack   真係唔會再亂買嘢   執嘢 Un-pack 嘢好痛苦 ~

約咗業主 7 點半   咁要再試埋其他鎖匙   所以 7 點唔夠都番到舊屋   一開門   廚房 "噏" 味出哂嚟   里奧大人話啲吸濕原來咁勁   即上淘寶淘番啲喎   哈哈 ~

業主都係 7 點鬆啲嚟到   望咗唔夠 1 分鐘就開票比我哋   仲多謝我哋打理間屋   其實間屋係佢阿媽   不過由簽約開始都係阿女負責傾   所以我都當佢業主   佢真係好好嘅   好易話為   我哋又無咩所謂   自問都係一個好租客   因為實早幾日交租   我真係好驚唔記得交租   咁耐以嚟試過一次   不過只係遲咗 1 日   但都驚囉   好驚人地以為我哋係租霸 ~

咁我哋有按金家嘛   但業主問我哋有無交今個月租   我話有呀   仲早咗 8 日交   佢好愕然   因為諗住會喺按金扣   不過我哋都唔識呢啲   之後反而佢又要計番比我哋   搞笑 ~

業主又問我哋  佢間屋有咩要整   里奧大人話冷氣機唔夠凍   衰啦   我平時都話唔凍啦   又好話我要開最大冷氣   廚房同浴室都有啲問題咁呢   咁又問我哋轉咗地址未 ?!   我哋話轉哂喇   估唔到佢話有啲可能半年會寄一次嘅文件   到時有就再通知我哋   真係無諗過佢咁細心呀 ~

最搞笑係佢阿媽話我瘦咗   我話肥咗好多就真啦   我心諗   依家咁肥都話我瘦咗   咁即係果時更加肥 ?!   哈哈 ~

我地走先喇   我又唔餓   同埋想再食多次黑糯米   所以同里奧大人去金姆指食嘢 ~

食埋就番屋企都 9 點   番到去執咗一陣都唔執喇   要用嘅嘢已經拎哂出嚟嘛   所以想抖抖 ~

沖埋涼   今晚 11 點幾先瞓 ~   

( 5-DEC-2016  MON )

尋晚瞓得唔係咁好呀   個肚扯住扯住咁 ~

終於每月一到   又唔係話好肚痛   所以點都要番工 ~

同里奧大人一齊搭地鐵   又趕得切食早餐喎   感恩感恩 ~

食咗表妹嘅止痛藥   個肚都仲係少少少痛   但都 OK 嘅   但佢話食完唔會痛嘛   點解我仲有啲痛嘅   哈哈 ~

好在菇場唔忙咋   可以 Hea 過 ~

一到 Lunch Time 即瞓   瞓咗半個鐘   精神好多呀 ~

全日敷住暖水袋   點知個肚生咗幾垃水泡添   慘 ~

放工去睇醫生   拎定聽日病假紙   咁就可以安心瞓覺 ~

我唔餓呀   番到屋企即沖涼   之後瞓咗陣   里奧大人 7 點先放工   佢喺公司附近食埋嘢先番嚟   佢之前唔記得拎被單   所以係都要番姑奶屋企拎比我   話等我瞓得好啲喎 ~

佢番到嚟都 9 點 lu   我食咗藥呀   所以直頭瞓覺添喇 ~