丸龜製麵讚岐烏冬專門店 @ 九龍灣 ( 12-DEC-2016 )

( 12-DEC-2016  MON )

尋晚飲咗可樂   真係瞓唔着呀   碌到 2 點先瞓到   年紀大喇   真係夜晚唔可以飲有咖啡因嘅嘢飲呢 ~

里奧大人要清埋最後 1 日年假   揀咗今日   咁我都陪佢 Off 啦   佢本來諗住都係執嘢   所以叫我唔好請假   驚我比西瓜話   我話啲假係我嘅   咁我又做得哂啲嘢   又唔係連續幾日   怕咩喎 ~

知道尋晚話不如今日出去行   咁我話去銅鑼灣啦   想清哂啲 Cash Coupon ~

瞓到 10 點都醒 lu   沖埋涼就去食早餐 ~

今日雙十二就緊要咯   要淘寶呀   食完一番到屋企即開電腦   淘呀淘   搞咗成個幾鐘呀   淘咗 22 件   好似差唔多 $800   勁抵啦   我買啲廚房櫃桶墊   香港買要 $12   淘寶好似幾蚊雞   抵好多   同埋反正集運   咁淘多啲抵啲   呵呵   之後我仲淘咗把掃把   里奧大人以為我講笑   好難想像我唔係淘衫   而係淘掃把 ~

搞掂哂都 12 點幾   係時侯出發去銅鑼灣   里奧大人一路坐車一路覆淘寶   原來淘完要 Confirm   有啲無貨又要問點退錢   都好多嘢搞喎 ~

今日去 Sogo 睇銀包   想清埋 Sogo 嘅 $350 Cash Coupon   雖然 2019 年到期   但真係唔想 Keep 咁耐   銀包成日脹卜卜   又唔敢分開擺喎   一陣唔記得用仲煩 ~

我送銀包比里奧大人   Target 係 $3,500-$4,000   其實男裝銀包真係好少款   所以都驚買唔到   估唔到去到 agnès b 見到心水銀包   仲只係 $1,800   之後 Sales 話有 7 折   加上我有 $350 Cash Coupon   即係只係 $910   勁抵呀   同里奧大人講話百年一遇   記得好好珍惜呢個銀包 ~ 

再去埋 Sogo 超市   買咗啲嘢就走喇   3 點喇   好餓呀 ~

咁里奧大人唔比我食刺激嘢   所以佢都陪我唔食南記喎   咁好啦   周圍睇有咩嘢食啦   但又唔太啱   最後去番南記   呵呵 ~

一路行一路傾   聽到里奧大人話咩個爛鬼包   好奇怪囉   頭先又無食包   之後原來佢話佢用緊個銀包呀   衰人吖   話哂佢依家用緊嗰個都係我送比佢家嘛   衰 ~                 

食完就坐電車去北角買 Face Lotion   買開嗰隻居然唔再出   咁買另一款算 lu ~

$48   呢樽無咁 "立" 

$85  呢樽就 "立" 啲 

好想食甜嘢   又去麥記食新地 ~

之後行下唔知咩商場   再搭 619 番九龍灣 ~

5 點半搭車   6 點 10 分先去到九龍灣   仲要企   之得聽里奧大人講話搭地鐵啦   哈哈 ~

我買咗對 Cross   $199 咋   最鍾意冬天買夏天嘢   實平   同埋年尾大清貨   真係好多平嘢執呢 ~

6 點幾都食嘢 lu   又係食烏冬   諗住食埋黑糯米甜品   但最後都食唔到   因為好飽 ~

去惠康買零食買餅乾買米   又清咗 $200 Cash Coupon   勁開心呀   因為 Coupon 係 12 月 31 日到期   再拖真係過期就慘 lu ~

8 點幾番到屋企   但今晚要等埋家姐嚟拎坡紙   所以唔沖得涼住   因為我要拎埋其他嘢比佢 ~

家姐問我有無坡紙 ?!   有就比媽咪工人   咁佢可以買支水飲   無諗過家姐咁細心囉 ~

如果喺機場一日   無水飲真係死得   估唔到里奧大人都有 Keep 住啲坡紙   咁比 $30 坡紙工人   應該夠 3 餐喇啩 ~

家姐 10 點幾嚟到   交收完就即番屋企沖涼喇   好鬼攰呢 ~

里奧大人呢幾日成日問我傷口痛唔痛 ?!   仲有無起番水泡 ?!   咁我沖完涼之後   佢就要睇下啲傷口   今晚佢又睇啦   之後佢話 : 好在無再生水泡   搞到我成日好擔心   嗰下感覺到佢真係好緊張我呀   因為之前幫我 "吉" 水泡   "吉" 到嬲嬲哋呀   話我唔錫身   但我話每月一到個肚唔舒服嘛   又唔係玩到生水泡   嗚嗚 ~

11 點幾即瞓喇   我都 Feel 到今晚會好好瞓   因為今日真係有啲攰   哈哈 ~