Babymama: 寬窄巷成都名小吃 @ 深圳 (PART 1/2) ( 31-DEC-2017 )

( 31-DEC-2017 SUN )

7 點半起身食埋早餐就番教會喇 ~

崇拜完畢就出發去深圳喇今日深圳一天遊開心開心 ~

我同里奧大人講今日 2017 年最後一日要開心所以要去小旅行咁就可以延續到 2018 都可以成日去旅行哈哈哈哈 ~

我係大鄉里所以一去大陸就要跟貼里奧大人即係幾時要拎香港身分證同回鄉卡佢都要提我咁呢 ~

去到九龍塘火車站已經 10 點半

坐頭等真係好舒服但之後就要喺上水落車喇 ~

里奧大人終於買咗張電話卡 (HK$300) 最開心係我都可以飛線落張卡度咁家姐可以打比我嘛同埋最重要係里奧大人番大陸做嘢我可以打比佢唔駛只用 Wechat 呢 ~

出去一轉再搭番去落馬洲嘅火車我同里奧大人話車廂好搖咁嘅 ?! 佢話頭等喺中間位置所以先覺得定囉我真係唔知㗎因為我話頭等機位喺前面嘛哈哈 ~

今日無咩人喎正呀

11:20am 到深圳喇

萬寧格局嘅惠康

排隊過關嘅時候有個男人打尖因為我明明已經企咗喺度佢點都無可能睇唔到我啦 ~

我唔知佢係香港人定大陸人咁我算啦始終我都要等里奧大人但我就特登同里奧大人番大陸首要第一樣嘢要學就係打尖里奧大人話睇一啲啲人㗎咋有啲人都唔係成日打尖我話都係嘅但都要學打尖啦啲人攝下攝下可能攝咗 10 個人入來都未定家嘛 ~

好喇發洩完我就打眼色比里奧大人示意我前面個男人就係打尖嘅人囉 ~

好似好多人咁噃

往深圳其實係咁行又上又落我完全唔知係去邊哈哈

同里奧大人一齊過 X-Ray 機之後諗住買飛啦但原來買飛位置係喺出面咁我哋又唔知點出番去 ~

因為里奧大人本身有張地鐵飛但佢唔記得我無囉咁我話買張充值卡啦反正我都可能會再嚟嘛 ~

我鍾意 B.Duck 係因為黃色唔係鍾意隻 Duck

突然覺得里奧大人對我真係幾好因為我張充值卡靚好多哈哈哈哈

愛心座椅我堅覺得多鬼餘有心讓比妳就自己會讓同埋呢啲座位唔係專為老人家而設但有啲老人家就老奉要人讓比佢最煩係有啲老人家唔去坐要坐正常坐位咁咪變咗愛心座椅無人坐囉嘥咗兩個位囉煩

椅底有滅火器

其實我係坐住影相呢啲設計真係好好個人攰起上來真係好想搵啲地方坐下㗎

女士優先車廂之後里奧大人話唔怪得無男人坐喎我話又唔係晚間婦女車廂

原來咁多卡都係女士優先車廂

差唔多 12 點就去到會展中心站喇都算快同埋好在唔多人咋 ~

諗住去外婆家食 Lunch 但搵極都唔知邊度喎咁唔搵 lu 見到有咩想食就食咁就最好 ~

即睇 Directory 我哋係去會展中心不過就去連城新天地睇下先其實之前去過㗎喇但里奧大人唔記得反而我記得囉呵呵 ~

我哋去 A 出口

連城新天地其實第 2 次來了

都幾多食店

唔記得呢個係咩商場但好新淨同埋唔嘈呢下最緊要

唔知牛蛙係咩來但我覺得係田雞之類嘅嘢哈哈哈哈

依家牙醫都要擺呢啲 Post

出去睇下有咩好食我講明唔食中菜西餐同日本菜

勁驚爆呔我講緊我條褲哈哈

12 點半喇我開始有啲餓所以行得好快去搵食

呢間裝潢唔錯入去食喇

@ 俏鳳凰苗家牛肉粉

請看餐牌

開餐喇基本上我哋喺大陸好少飲奶茶但今餐咁辣里奧大人話要凍奶茶呢杯奶茶抵讚因為係冰杯飲到最後一啖都係凍㗎

苗糟辣牛肉拌拌鮮 (RMB33) - 兩片薄牛展真係比我想像中少喎

好辣㗎所以食剩一半同埋盡量唔要啲油

撈埋一齊勁好味我好鍾意食有青瓜絲嘅冷麵呢

老坛酸菜牛肉粉 (RMB25) - 我覺得好辣但里奧大人話唔係好辣

香辣牛展 (RMB15) - 小食來㗎得 4 片咋 里奧大人話呢個好辣反而我覺得係鹹多啲囉

食完都 1 點幾喇又周圍行下但里奧大人話首先要買杯飲品解辣喎 ~

試下呢間

樣樣都想試下哈哈

火龍果百香 (RMB17) - 無厘味道嘅

胡椒餅我同里奧大人講話唔好再食胡椒餅因為上次去台北食翻好好味嘅感覺我唔想咁快又破壞番呢哈哈

又油又辣但都幾吸引哈哈

連城都幾多嘢睇唒但個場就焗咗啲囉

咁我去洗手間嘛我排隊嘅時候見到個女仔着件粉紅色衫好熟面口但諗唔到係咩之後個女仔洗完手擰轉臉見到我就同我笑哈哈原來係頭先食 Lunch 隔離枱個女仔我成日望住佢碗豆腐嘛因為我想叫來食之後佢又望我我又望佢來來回回咁望大家又笑下咁囉哈哈 ~

次次去洗手間我會叫里奧大人一定要企定定等我因為我好怕走失嘛衰奧話唔會咁快令佢開心呀嘛 ?! 我話放心我會令妳痛苦到 2018 哈哈 ~

仲話有日真係唔見咗我但兩個鐘頭之後我搵到佢佢會第一句話: 又話唔認到路嘅 ?! 做咩咁快搵到我㗎 ?! 再話如果有人話搵到佢老婆佢話個電話肯定係呃人嗰啲點都唔會再聽㗎哈哈哈哈衰到呢 ~

都唔知做咩鬼無啦啦影我又唔係偷食哈哈

我覺得扭計骰勁難玩囉呢度仲咁多格玩到我入青山都似哈哈

唔知咩 Game 來 ?!

我去到邊度都鍾意睇杯

Puddle 好得意呀

我同里奧大人話王小虎好得意呀佢話喺邊度 ?! 我話呢個水壺呀佢就好奇怪咁話我點解用王小虎呢個名哈哈

呢間店都幾多嘢睇同埋唔貴我買咗塊鏡 RMB15 都抵啦

行到唔知邊見到有籃球 Game 我話睇下咩價錢原來每局只係 2 蚊人仔唔怪得咁多人玩啦我哋每人都玩咗 2 局玩到好熱呀 ~

有個細路同里奧大人講話部機壞咗里奧大人話怎麼辦 ?! 細路叫佢去隔離果部我笑啦我睇住個細佬玩壞嗰部嘛因為唔駛入錢可以玩但無計分嘅依家你阻住佢玩呀仲唔叫你開咩真係咁關心你喇喎 ~

佢哋玩到離哂大譜呀居然掟到光管跌埋落地嗰下我唔知係光管添呀里奧大人話好在無爆咋唔係盲都似真係好憎啲細路亂咁掟波 ~

中間有 2 格係壞但啲人照玩

我叫里奧大人影影我嘅英姿

仲叫里奧大人幫我影低啲分添呀幾咁勁呀呢有 222 分但係人哋哈哈哈哈我其實得 22 分咋原來好難玩囉但見之前個男仔玩下下入樽㗎噃

到里奧大人玩喇

佢話攰喎所以求其入樽哈哈

最後一球睇佢幾咁緊張望實個波勁啦 38 分咁大把哈哈哈哈

深圳大家樂睇下價錢係咪同香港一樣同埋係咪會有啲食物係同香港唔同但其實睇完就算

睇里奧大人手勢應該係要 3 唔知咩哈哈

豆腐花落沙糖真係第一次咁食法哈哈

豆腐花都滑嘅五蚊人仔唔好有要求

裝潢簡單得來都幾特別

經過麵包店估唔到試食都咁大件真係覺得香港啲試食好失禮人

呢個商場都唔錯夠乾淨但買嘅嘢唔平喎頭先睇條迷彩褲要 RMB799 呀

商場好有聖誕氣氛

里奧大人去洗手間嘛所以咩都影囉無聊呀呢哈哈

唔講唔覺恐怖哈哈

我估夜晚仲靚

呢間店名叫 "一花一草"

呢度都幾有特色

我問里奧大人咩叫 "幾時味" ?! 佢話係 "兒時味" 呀哈哈

呢間烤肉店裝潢都幾得意我初初以為係機舖來的

好似墾丁個塔但唔記得咩名

Emoji