雲桂香雲桂香米線專門店 @ 官塘 ( 6-DEC-2017 )

( 6-DEC-2017  WED )

今朝自己一個食早餐   可以去 MOS BURGER 食嘢勁開心   哈哈 ~



菇場忙呀   仍然做個長命 Report ~

食埋個 Lunch Box 就出去行陣   難得有太陽   去 Panash 買酥皮撻比家姐   再買方包比里奧大人   今日 9 折呀   又買到平嘢咁   呵呵 ~   

咁之後又行下萬寧   咁啱成日想買肌研水   今日做買 1 支第 2 支半價   勁抵囉   咁啱又買滿任何產品滿 $188 就有 1 Pack 麥精維他奶送喎   家姐好鍾意飲麥精㗎   咁啱我又要買 4 支肌研水   再求其再買多 2 支洗手液啦   咁都已經 4 百幾   咁諗住分 2 次單   但唔得喎   一人只可以送一 Pack 奶   咁好啦   我買完再去另一間買囉 ~

拎到番菇場   我覺得對手就來斷   不過都值得嘅   哈哈哈哈 ~

勁開心呀   差唔多 4 點幾終於做哂個長命 Report   可以抖抖了 ~

大粒唔喺度   搭正 5 點半即放工   呵呵 ~

今日里奧大人去圖書館   我又唔煮飯   所以去食酸辣米線喇 ~

里奧大人問咗我 2 次食唔食口水雞 ?!   我話唔要呀   再問佢係咪唔夠飽呀 ?!   佢又話唔係   之後食到一半   佢又話好似唔夠飽   再叫多碟春卷   我咪話囉   都話你唔夠飽啦   無理由成日問我食唔食其他嘢囉 ~

食完就去拎淘寶嘢   之後即番屋企喇   拎住 2 Pack 奶好鬼重呢 ~

家姐喺荃灣買咗魚肉燒賣比我   又煲咗蕃薯糖水   所以今晚 8 點左右又來喇 ~   

之前淘咗 5 件衫   感恩都好 Fit 呀   其實一件係送比家姐   依家見到啱佢款式都淘比佢   等佢開心下   哈哈 ~      

好想食橙   咁叫里奧大人拻 2 個橙   佢拻完就食啦   我就同家姐傾多陣先食   之後我話我個橙呢 ?!   明明見佢拻 2 個嘛   我話唔係掉埋呀嘛   佢即去垃圾桶睇   真係掉咗囉   佢仲話個橙好甜添   嘥咗   佢成日係咁㗎啦   次次用報紙墊住拻橙   實會包埋啲嘢一齊掉   試過掉咗生果刀同批皮器   唔止一次囉 ~

家姐 10 點幾走人   之後我就沖涼   其實 10 點 50 分已經想瞓   但又想睇電視   睇到 11 點半都頂唔順要瞓 lu ~