豉油雞 (外賣) + 滷雞腎 (外賣) + 豉油王炒飯 + 粟米蛋花湯 ( 13-DEC-2018 )

( 13-DEC-2018  THU)

里奧大人話尋晚半夜凍醒喎   唔知係咪食咗雪凍咗嘅木瓜   但我又唔覺得好凍喎   我都係蓋冷氣被   不過可能我臨瞓之前會用暖水袋敷住條頸同腰   基本上成個身都會暖哂   所以唔係覺太凍咁呢  哈 ~

早餐食吞拿魚治烘底   勁唔想食三文治   但實在食唔落米粉餐 ~



菇場無咁忙喇   可以繼續清埋手頭上堆積嘅嘢   呢啲先最花時間清呢 ~

Lunch Time 出去買酸辣米線   食完又係勁眼瞓   成日話唔食   但又忍唔住 ~

仍然清嘢   之後又要清電腦嘅嘢   有排搞了 ~

放工即走   去九龍灣買豉油雞   之後再去聖安娜換西餅   拎張餅卡出來勁驚過期   張餅卡都擺咗起碼 4 年 ~

番到屋企即預備   里奧大人番嚟一見到碟炒飯就話好正呀   我話食咗先啦   可能唔好食   哈哈 ~

是日懶餐 - 豉油雞 (外賣) + 滷雞腎 (外賣) + 豉油王炒飯  + 粟米蛋花湯

豉油雞 (外賣) - 半隻 $50   勁多囉   如果唔係聽晚出街   我會留番   所以今晚點都要食埋去喇 ~

滷雞腎 (外賣) - 仲驚唔夠餸   所以買多份雞腎   食完飽到上頭頂 ~

豉油王炒飯 - 同里奧大人講話蒸熱啲飯   佢即問係咪炒飯 ?!   咁即係想食炒飯啦   咁我無話佢知會炒飯   所以佢見到炒飯就好開心 ~

粟米蛋花湯 - 無菜就粟米湯啦   好耐無飲   覺得好好味   哈哈 ~

一心諗住外賣餸唔駛洗咁多嘢   點知都係要洗好多嘢 ~

洗埋碗抖 5 分鐘就同里奧大人出去徑步   因為已經 8 點半   唔想太晏出去 ~

徑 20 分鐘   番到屋企即沖涼   之後開機洗衫   食埋蛋糕就休息喇 ~



今晚 11 點都瞓覺喇   呢排我瞓得麻麻哋咁   想早啲瞓   瞓番多啲 ~