Babymama: 住家飯 @ 家姐屋企 ( 23-DEC-2018 )

2018年12月23日星期日

住家飯 @ 家姐屋企 ( 23-DEC-2018 )

新加坡買嘅鹹蛋炸魚皮

本身家姐話叫 Pizza 但我哋話唔太餓求其淥上海麵就算大食就食咗 2 個印尼撈麵佢其實應該係好餓哈哈

芒果 + 青提子

( 23-DEC-2018 SUN )

今朝 7 點起身沖埋涼就去食早餐好攰呀哈哈 ~

8 點 45 分出門口去到尖沙咀集合地點都只係 9 點 20 分正諗住周圍行下點知見到表弟兩公婆咁一齊吹水好過喇無耐阿姨同姨丈都嚟埋傾下傾下都 9 點 40 分可以上車喇 9 點 55 分開車半個鐘就到廸士尼樂園會議中心喇 ~

一去到都已經有唔少來賓到咗咁本身今日喺 Outdoor 舉行婚禮但因為落雨關係要喺會場入面囉 ~

每個來賓都會拎 1 隻做紀念我表妹親手整㗎用咗 1 年時間整呢要整百幾隻呀勁

我拎咗八哥比家姐等佢來就再幫姐夫拎

估唔到有食物供應

記得係有印度咖哩味同埋有蟹肉我同表弟話有格甩底味佢話咁形容點食呀 ?! 我話呢種味先正宗快啲食啦哈哈

隻蝦好爽呀好味道

好似係帶子

酥皮嘢唔食 lu

我諗咗好耐食唔食檸檬 Tart 好呢 ?! 最後忍唔住都係食我覺得超級好味道呀酸酸甜甜如果可以拎走就好哈哈哈哈

無食呀

家姐見到爆谷勁開心係咁話好好食

送比新人嘅祝福字條

主角出場喇哈哈哈哈其實我唔鍾意米奇米妮今日見到佢哋又覺得佢地好得意肥肥嘟嘟咁

馬卡龍回禮

甜品區無人可以影下相哈哈

好壯觀呀哈哈

我嘅第 1 Round 其實我每樣分啲比里奧大人同家姐

第 2 Round 我終於可以狂食生嘢喇哈哈但壽司飯好乾食完 2 塊煙三文魚就好滯食唔落其他鹹嘢了

抖陣就第 3 Round 就係食雪糕同 Cheese Cake 我覺得自己好細食哈哈哈哈

曾經好鍾意佢㗎

食到咁上下就有高飛出場即係影相時間壓軸係 Daisy Duck 又個個都出去影勁開心 ~

我地坐 3 點 10 分嘅 Shuttle Bus 出尖沙咀點知出到去勁塞車 4 點 10 分先到尖沙咀呀 ~

開始落大雨我哋坐巴士去官塘再轉另一架巴士去家姐屋企去到都 5 點半 ~

一入屋大食見到 Berry 就要抱喇不過我唔比佢抱咁耐因為我都想抱哈哈 ~

Berry 終於精神番啦成日周圍走但一抱住佢佢又瞓喎又嗲到暈搞到我成日好鬼掛住佢呢 ~

細細粒真係勁得意

佢對眼好大呀

大食抱佢但佢個樣好唔願意咁哈哈

大食真係抱得佢好唔舒服所以 Berry 掙扎呀

個樣幾驚哈哈哈哈

眼神充滿恐懼哈哈

好在 Berry 肯瞓床仔所以里奧大人即幫佢影相

成日八八卦卦咁勁得意呀

我抱佢嘅時候佢成個身係灘哂落我度㗎佢真係重咗呀感恩感恩

里奧大人又走過嚟抱佢

嗲到佢吖

我再抱 Berry 嘅時候我聽到家姐同工人講問 xxx 太太拎番我心諗我拎咗佢啲咩 ?! 要問我拎番 ?! 原來係要拎番 Berry 因為佢要食藥呀哈哈

佢要食滴滴金呀

仲有其他藥要食一日食 8 次定 10 次仲要次次嘅時間係唔同好記得有 1 次要喺夜晚 12 點食所以家姐唔瞓得住哈哈

佢對眼好似成日啤住人咁

以為佢食完原來抖陣又再食佢個樣都好攰了呵呵

之後喺我度瞓覺佢鍾意掂住我條頸瞓㗎

佢灘喺我身上瞓覺幾咁舒服

家姐同事知佢養緊狗仔家姐有次做做下嘢有個同事叫 "Berry 媽" 家姐定定神問同事係咪叫佢 ?! 家姐話好似啲夜總會叫人乜媽乜媽咁哈哈 ~

家姐話 Berry 依家好搞鬼成日識得叫工人做嘢咁家姐放咗啲暖手包喺佢張床仔又有張厚啲嘅被蓋住佢佢熱得滯呀喺張床仔度 "R" "R" 聲咁工人即刻喺房飛出來就幫佢拎起張被之後佢就繼續瞓 ~

家姐坐梳化又係咁 "R" "R" 聲叫家姐抱如果我住家姐附近我好肯定會成日探佢呀 ~

里奧大人都勁鍾意 Berry 我哋食飯嘅時候 Berry 姐係咁行來行去里奧大人已經好緊張叫我地小心睇住 Berry 之後無耐佢就抱起 Berry 肯定佢好驚人地踩親 Berry 因為佢平時成日話食飯唔好抱啲狗有狗毛飛來飛去依家佢抱住 Berry 食飯喎仲係咁單手影 Berry ~

里奧大人自己好辛苦咁影 Berry 呀哈哈之後居然叫我幫佢影 Berry 呀同里奧大人一齊咁耐真係未見過咁情況佢真係好鍾意 Berry