潮豐打冷 @ 官塘 ( 9-DEC-2018 )

上海大亨飯 (排骨/瑤柱/蝦干/臘腸) ($78) - 完全無味道   簡直係中伏



煎蠔仔餅 (細 $75) - 呢個又 OK 喎   蠔仔都幾大粒   但得好少囉



藍妹 (大 $30)



( 9-DEC-2018  SUN )

今朝 8 點 50 分起身   勁攰呀 ~

里奧大人話去 Toast Box 食早餐   其實我唔想去啦    尋日先同家姐食完   哈哈 ~





咁佢去拎嘢   叫我幫佢叫早餐   話係平時食開嗰樣   我整鬼佢   問佢係咪飲凍啡呀 ?!   佢好認真話都好喎   到我真係認真問番佢係咪真啦 ?!   因為今日天氣都凍嘛   頂   原來比佢大番轉頭   哈哈 ~

食完就番學   之後我同教友傾偈   里奧大人同教友 Say Hello   之後我擰轉臉   佢好愕然話: 原來妳嚟㗎 ?!   我話唔係嘛   老婆背面都唔認得 ~

番完主日學就番崇拜   之後去食 Lunch 了 ~

菜遠沙爹牛肉粉麵 - 里奧大人食哂我啲脆麵   仲話我仲好講   啲麵硬崩崩   都唔係咁想食呀   衰得佢吖   哈哈

美式雞肶扒配意粉



食完即去舖頭幫手   2 點半做到 5 點   之後同里奧大人去官塘剪髮 ~

同里奧大人傾開食咩   我同佢講呢兩晚都好似中菜   尋晚食咗咩嘢餸呀 ?!   佢話尋晚去咗飲呀   哈哈   完全唔記得呀 ~

里奧大人想食煲仔飯   咁去潮豐啦   地方迫到呢   食物又唔係好味   服務態度又唔係好   下次唔會再嚟 ~

番到屋企先聞到個身成陣油煙味呀   之後我再聞下我個袋   原來最勁油煙味係佢   搞到我要即刻洗埋個袋 ~

抖陣就同里奧大人去徑步 25 分鐘   依家天氣涼涼哋   真係要郁下呢 ~

里奧大人要染髮   咁比佢沖涼先   之後我就大清潔廁所   沖埋涼再開機洗衫 ~

今晚唔太眼瞓   但好在 11 點半有睡意   即瞓也 ~