辣雞煲 @ 阿 Mi 屋企 ( 25-DEC-2018 )

配料都好味   下次用嚟送飯食都好喎



萵荀 & 什菇



水餃 & 雲吞 & 魚皮餃 - 阿 Mi 轉咗另一間買   我上次都覺得牛丸哥哥啲餃好鹹



脆肉鯇 - 阿喂至愛



雖然我哋次次都食嗰啲   但我又真係次次都覺得好味道   所以里奧大人成日都話   因為我同鍾意嘅人食嘢   就食咩都好味   咁事實喎   起碼阿 mi 佢哋係正常人   唔會一路食一路浸   令人無胃口呢



鮮冬菇真係好鬼正   哈哈



( 25-DEC-2018  TUE )

今朝 9 點 15 分起身   沖埋涼就出發   約咗阿 Mi 喂 11 點喺美心皇宮飲茶 ~

咁我哋慣咗一起身就 Line 對方   不過今朝一起身就沖涼刷牙   到出門口先 Line 佢哋話依家出發   阿 Mi 話阿喂以為我哋唔知醒   又唔知有無食早餐先入嚟   哈哈   不過阿 Mi 就好肯定答阿喂   佢哋一定會校鬧鐘   同埋最遲 10 點 15 分一定會出門口   哈哈  果真了解我哋 ~

坐小巴入到荃灣   去到都唔打比阿喂   唔想好似催人地咁   阿 Mi 又係咁諗   唔會打比我哋   所以依家我哋會先到先等呢 ~   

睇住阿 Mi 喂喺我哋前面   諗住偷影   但失敗   因為里奧大人比我捉住咗   影唔切佢哋   哈哈 ~

阿 Mi 一見到我就話我塊臉好青   嚇死我啦   之後我行番過啲又無事   可能天花板影響   雖然攰   但未至於臉青青家嘛 ~

次次都係習慣阿 Mi 洗碗   其實都覺得自己好衰同好懶   因為同家姐食嘢   佢又好快手咁抹好哂嘢架 ~

一齊剔完點心就吹水啦   好耐無見啦   上次見面都好似好匆忙咁   可能掛住買嘢   哈哈 ~

金絲酥芋魚 / 雞絲脆春卷 - 呢兩樣係阿 Mi 點   難得難得



蜜汁叉燒腸粉 - 我唔鍾意食叉燒   都覺得叉燒好味道呀



咖哩汁蒸土魷 / 豉汁蒸魚雲 - 兩樣都好味道   總之唔好比我食到魚眼就得㗎喇   哈哈

蠔油叉燒包 / 欖仁馬拉糕 - 今次到我話要食馬拉糕  



唔記得咩雙麵王



食完之後去買陳皮   無啦啦好眼瞓呀   所以我諗住去買咖啡   一路行一路飲   但阿 mi 叫我搵地方坐低   佢哋去買餸   咁我去大家樂坐低   估唔到 2 點之後嘅咖啡只係 $8 杯   因為初初里奧大人話 1 杯咖啡要十幾蚊   不如買 Tea Set 抵啲   但我話食唔落嘛 ~

佢哋買完番來   我都差唔多飲完   要起行去買其他嘢喇 ~

番到屋企好似都 3 點幾   我今次終於正常番喇   因為係咁話餓 ~

阿 Mi 就拎啲紫薯片同花生糖做下午茶   我食到停唔到口   勁好味呀 ~

傾到都唔知幾點   就陪阿 Mi 預備雞煲喇   咁我拎嘢嘅時候   先見到窗口掛咗聖誕掛飾   佢話唔係依家先知呀嘛 ?!   我話係喎   因為我一入屋   就係睇佢零食罐裝咗啲咩   哈哈 ~

材料



我煮嘢真係唔可以分心   所以阿 Mi 成日一路整嘢一路同我傾偈   我覺得佢好勁

色香味就係咁來㗎喇   哈哈



加大量花椒



估唔到 6 點幾食晚餐   我真係話其實唔餓喎   頭先係咁食花生糖   食到好飽 ~

不過食下食下   都食唔少   哈哈   因為好味道 ~

一路食一路傾   其實我都無睇時間   只聽到里奧大人話 10 點就走 ~

咁食完就陪阿 Mi 洗碗   搞掂又出來一齊傾偈 ~

甜品係阿波羅朱古力雪糕   無咩味嘅



傾到 11 點半   我話原來咁夜   里奧大人話見咁好傾   所以繼續傾   哈哈 ~

番到屋企都差唔多 12 點   即沖涼   再執好啲嘢   之後睇多陣電視   差唔多 1 點先瞓覺 ~