豆漿大王 @ 九龍灣 ( 18-MAY-2019 )

香煎餃子 ($20)

上海排骨酸辣麵 ($40) - 個酸辣湯唔熱   同埋好似食緊漿糊咁

招牌正宗上海粢飯 ($12)

( 18-MAY-2019  SAT )

今朝有師傅嚟屋企整嘢   所以同里奧大人食埋早餐先番工 ~

菇場忙下停下   望望個鐘都已經 12 點半   又準備放工喇 ~

Book 咗 2 點剪髮   所以喺牛下食 Lunch   食到 1 點 45 分都走人   去到髮型屋都有得剪喇   咁就好喇   早去早回 ~

以前只係一年剪一次   但依家短頭髮就真係唔可以喇   硬係到咁上下就好想剪一剪啲頭髮   咁我今次話唔好剪咁短   我驚凍   髮型師聽到好愕然   話唔係應該夏天驚熱咩 ?!   我話係驚條頸凍親呀   哈哈 ~

剪咗個幾鐘   真係第一 次   因為我唔係剪好多之嘛   咁同髮型師係咁傾偈   其實我有啲攰   但佢又多嘢講   我又要比反應喎   唉 ~

里奧大人今日去洗牙   估唔到佢都唔駛洗   只係有啲牙石   就咁清潔咗就搞掂   呢個牙醫真係好有醫德   好記得好耐好耐之前睇個牙醫   每睇一次都話有隻蛀牙   又話要杜牙根   之後覺得唔對路啦   因為我地睇咗幾次   每次都要成二千蚊落樓   同埋做咩唔一次講哂先 ?!   蛀牙都唔係一個月就蛀咗出來啦   呢個醫生真係勁無醫德喇 ~      

番到屋企抖陣   再開機洗衫   今日超級勁焗熱   真係唔開冷氣唔掂呀 ~

里奧大人去舖頭同埋幫姑奶 Check 嘢   咁佢話 8 點先走   咁我都執屋喇 ~

執好哂嘢都 5 點   再拖埋地   之後抖陣 ~

抖到 6 點諗住熨衫   點知里奧大人又話走得   咁我都唔熨喇   去九龍灣食嘢 ~

食完行陣都番屋企喇   勁唔想喺條街呀   勁焗熱 ~

番到屋企又屙又嘔呀   我同里奧大人講話唔好再去豆漿大王食呀   嗚嗚 ~

抖陣先沖涼   之後就再熨衫 ~

熨完就睇陣電視   11 點幾都瞓  lu ~