住家飯 @ 家姐屋企 ( 21-MAY-2019 )

海蝦 - 好大隻同好爽甜呀

新鮮泥猛 - 啖啖肉好味道

芽菜炒牛肉 - 呢個好味   但好油

紅蘿蔔黨參雞湯 - 好夠味道   不過都係好油   工人成日唔 "北" 啲油出來   已經講咗好多次㗎喇

( 21-MAY-2019  TUE )

今朝終於無咁焗熱喇   仲有陣涼風添   勁舒服 ~

早餐食奶醬多   諗唔到食咩好   哈哈 ~

菇場唔忙呀   咁做 Email Filing 啦   依家盡量清哂十九年前嘅嘢囉 ~

之前喺勁家莊買咗啲青汁粉   咁又飲下啦   用凍水沖嚟飲   我已經灘咗半個鐘先飲   但飲完之後開始成身都凍埋   依家菇場冷氣好勁   所以真係凍上加凍呀 ~

本來諗住 Lunch 食 Flakes + 乳酪   但個人實在太凍   所以都係買墨丸河番菇場食   食完都無出汗   同埋個身當堂暖哂   好舒服呢 ~

仍然做 Filing   真係做到對眼好鬼攰 ~

放工即走   里奧大人約咗朋友喺九龍灣傾嘢   咁我就去家姐屋企探 Berry 喇 ~

一入屋又比 Berry 撲到我好痛囉   佢真係唔知自己勁大力 ~

彤彤就乖喇   係咁 Fing 尾   細路同阿婆嘅分別   哈哈 ~

咁我坐低抖下啦   Berry 姐無啦啦又咬我件衫   又要同佢玩玩具   仲要咬埋我   真係黐咗線咁 ~

顛婆 Berry 已經咬緊我隻腳   彤彤就要我摸佢個頭

又要同佢玩玩具   佢又唔知自己超級大力   不過佢其實都只係細路仔   只係 7 個月大咋

玩玩下就咬我件衫   好在我今次醒   唔着啲薄衫   唔係一咬就唔駛要了

之後咬毛巾   個口係咪真係成日要咬嘢㗎 ?!

彤彤好搞笑   行入條罅隙度要我摸佢

顛婆咬得幾咁滋味   繼續咬啦   唔好咬我就得喇

摸到我隻手好攰   哈哈

Berry 就繼續係咁咬咬咬

又同我鬥扯   佢全勝啦 

我覺得佢瘦咗呀   定係個身開始拉長呢 ?!

Berry 真係好聰明   咁工人喺露台收衫   所以將 Berry 條毛巾放入房   唔好比佢咬   點知工人一出去露台再關門   Berry 即衝入工人房拎條毛巾出嚟咬呀   後尾工人一出嚟見到條毛巾喺地下   佢個樣都好愕然呢 ~

家姐 8 點左右番到屋企   咁可以開飯喇 ~

食飯先搞笑   彤彤成日走埋嚟   又左邊又右邊咁   咁我拎起隻碗食飯   彤彤突然用佢個頭頂我隻手   差啲跌咗隻碗呀   嚇死 ~

食食下飯又行埋嚟

對眼好得意   哈哈

之後仲撲落我度   重到呢

我連食飯都唔得閒噃

間唔中又望下我咁

相對 Berry   彤彤係超乖   哈哈哈哈

食埋生果就同 Berry 彤彤出街   Berry 姐真係超勁大力   係咁扯住家姐   相比起朱朱   真係帶朱朱出街係好 Easy 呀   哈哈 ~

家姐話 Berry 遲啲要去上訓練堂呀   因為上次做絕育手術嘅時候   咁未做之前要困入籠嘛   佢好驚咁縮埋一角   之後係咁咬自己手仔腳仔   咁呢個行為   係因為無得放電 (好似)   所以家姐話佢要一日起碼出街 3 次   要放哂啲電囉   怪不得佢成日喺屋企飛來飛去啦   真係除咗咬嘢   佢係唔會停下來呢 ~

9 點落場大雨   咁家姐話沖涼先再車我   我話仲好啦   反正都係等停雨 ~

9 點半無咁大雨都走喇   今晚唔帶 Berry 喇   因為我要拎啲架比家姐 ~

番到屋企即沖涼   里奧大人差唔多 10 點半先番到嚟   等佢沖埋涼   再傾陣偈   11 點幾都要瞓喇   呢個星期都忙   真係唔可以太夜瞓呢 ~