大食會 @ 教友屋企 ( 7-JUN-2019 )

雜果碎蛋沙律 (到會)

彩帶玉龍拚金菇牛肉卷 (到會)

醬燒豬頸肉拚椒鹽鮮魷 (到會)

糯米釀雞翼(微辣)拚香茅豬扒 (到會)

蝦仁翡翠瑤柱蛋白炒飯 & 香蒜意粉 (到會)

姊妹 LM 整嘅沙律菜

姊妹 A 整嘅巴東牛肉 - 好味呀

姊妹 A 整嘅蒟蒻 - 煙煙韌韌嘅口感都幾得意   好過食啫喱糖   哈哈

姊妹 TT 整嘅士多啤梨 Mousse   個個話好味道   但可惜我太飽無食到呀

組長嘅生日蛋糕

姊妹 A 送每人一支玫瑰花型棉花糖

( 7-JUN-2019  FRI )

今朝 8 點 45 分起身   沖埋涼就出發去 APM 食早餐 ~

因為商場未開哂冷氣   真係同里奧大人行到出汗 ~

諗住去 Oliver's   但完全唔覺有冷氣咁   所以去 KFC   估唔到佢個冷氣好夠   所以唔再去其他喇   哈哈 ~

今朝睇 10 點 40 分嘅 "阿拉丁 Aladdin"   我覺得好睇喎   都帶咗信息出來   同埋我覺得結局好感人呀 ~

睇完即走喇   約咗 Ivy 兩公婆同姊妹 SF 兩公婆 1 點 15 分喺彩虹地鐵站等   我地 1 點 05 分到咗   原來佢哋比我哋更早   哈哈 ~

一齊坐小巴入西貢   其實今日好好天   但就非常焗熱囉 ~

今日好好天   加上又放假   心情真係特別好   哈哈   

入到西貢都 2 點   咁去食 Lunch 喇 ~

泰式拚盤 ($168) (Spring Roll + Fish Cake + Prawn Cake + Satay) - 姊妹 SF 老公叫㗎   佢同我一樣   覺得樣樣有啲就最好   哈哈



泰式柚子沙律 ($66) - Ivy 叫嘅   柚子份量都唔少

脆肉炒椰菜苗 ($66) - 我叫嘅   因為我真係好鍾意食呢個

醒胃菠蘿炒飯 ($58) - Jack 叫嘅   佢要食啲飽肚嘅嘢

泰式牛丸冬蔭功湯河 ($48) - 今次居然辣喎   之前要叫加辣先辣㗎

芒果沙冰 X 3 / 椰青 X 3 - 今日實在太熱   個個都要飲凍嘢   哈哈 

食完又行陣   不過真係好鬼熱囉   個個流哂汗   連里奧大人都話好熱   即係好熱㗎喇 ~

周圍行下   佢哋買茶果同雞屎滕   我就咩都無買   因為呢兩日都無時間喺屋企   呢啲要新鮮食先好嘛   咁我同里奧大人講話無買呀   佢好愕然   弟兄 J 話里奧大人話我一定買喎   呵呵 ~

諗住坐低食菠蘿包   但無位   同埋都好熱下   所以轉場搵有冷氣嘅地方坐呢 ~

唔想行番入市集   所以去松記睇下   因為唔食嘢   咁問最低消費係幾多   佢話每人 $25   咁即入啦   反正去邊度飲杯嘢都要廿幾蚊   同埋難得冷氣好勁   入咗去唔想出番嚟囉   哈哈 ~

我去拎位   里奧大人就帶佢哋入嚟 ~

里奧大人成日行前幫我哋搵位   所以姊妹 SF 話里奧大人係好細佬   好細心喎   咁我都覺得係嘅   因為真係個個都咁講佢㗎   我話佢唔衰嘅時候真係好好嘅   哈哈哈哈 ~

我要鴛鴦珍珠   其他好似係紅豆涼粉冰

奶茶涼粉冰

其實個個唔餓   但好似總數差幾蚊先夠最低消費   所以就叫啲小食呢      

我哋小組好多人   咁今次我哋 3 Pair 出來   又可以傾到偈   平時好難集中只同 1 Pair 人傾偈㗎   所以今次大家又了解多咗呢   開心開心 ~

菠蘿包已經加到 $11 了   同埋又細個咗囉

差唔多 5 點就出去九龍灣喇   架小巴好似無冷氣咁   里奧大人叫司機開大啲   但司機話已經開到最大 ~

個司機係咁叫人快啲快啲上車   仲以為佢手車好快啦   唔係咁鬼心急做咩 ?!   點知車速慢到呢   呢下先爆囉   我寧願佢快喇大佬   架車焗到暈呀 ~

搭地鐵去九龍灣   之後直接去弟兄 ML 屋企喇 ~

姊妹 K 一家同姊妹 J 一家已經到   咁又一齊食一齊傾啦   哈哈 ~

姊妹 LM 整嘅手拍青瓜

有個姊妹抱孫   所以請我哋食豬腳薑

姊妹 LM 買嘅哈蜜瓜   非常之甜呀   又多汁   勁好味   咁姊妹 LW 又煲埋有竹蔗茅根水同桃膠木瓜糖水   不過今日出咁多汗   真係要好好補充水份呀

差唔多 6 點幾   弟兄 ML 開車去拎到會   順便接埋姊妹 A 兩公婆 ~

今日係弟兄 ML 生日   佢老婆私下約我哋不如揀今日一齊聚會   但最搞笑係弟兄 ML 本身話約 6月 8 日 or 9 日聚一聚㗎   佢唔知老婆比個驚喜佢呢   哈哈 ~ 

今晚有 30 人出席   如果齊哂人   起碼 40 人呀 ~

7 點幾開始食嘢喇   我唔餓   所以食得唔多   但就係咁飲湯   因為姊姊 LW 煲咗紅蘿蔔海底椰粟米豬骨湯呀   我飲咗幾杯   可能今日飲咗凍嘢   好想飲番啲熱嘢平衡番   哈哈 ~

食完都差唔多 9 點   牧師唔太舒服   所以佢同師母都走先喇   弟兄 ML 車佢地番屋企 ~

我地唱 K 時間到喇   每人要唱一首歌   里奧大人最驚   哈哈   不過最後都要同我唱首合唱歌   唔係唔走得喎 ~

姊妹 TT 兩公婆都要走喇   明日有事奉要早起身   所以弟兄 ML 又車佢哋番屋企   今晚最忙係壽星公   哈哈 ~

10 點半走喇   玩到聲都拆埋   今晚真係勁開心呀 ~

番到屋企即沖涼呀   里奧大人 11 點幾都瞓   我差唔多 12 點幾先瞓呀 ~