炸蝦餅 - 新鮮熱辣 同埋好彈牙啊 呵呵
越式串燒 (牛肉 3 串) - 完全無肥肉 好味道
越式馬拉盞炒通菜 - 好香鹹魚味 所以有啲鹹
菠蘿炒飯 - 正喎 呢個餐嘅食物 真係樣樣都係熱辣辣 但就要等耐啲咁囉
今朝 7 點 15 分起身 因為同家姐食早餐 ~
好似好耐無同家姐食早餐咁 所以去 Toast Box 又突然變咗好有新鮮感 哈哈 ~
啱其實仲有個榨菜肉絲公仔麵 不過掛住傾 所以唔記得影相
食到 8 點 45 分就走人喇 去到巴士站啱啱有車 ~
菇場忙呀 時間過得勁快 ~
放工即番屋企 又唔餓喎 咁可以休息下 ~
兒生仔個 BB 入咗嬰兒 ICU 我哋其實唔探得 BB 但就過去支持下佢哋兩公婆呢 ~
食埋下午茶 差唔多 3 點半就打的出發去醫院喇 ~
去到就見到姑奶兩公婆 聽佢哋講完之後 因為大家做法唔同就出咗啲意外 始終個個 BB 都唔同 唔可以一同做法囉 今次真係一個教訓了 ~
之後另一個姑奶都嚟埋 兒生兩公婆又出埋來 一齊同心祈禱之後就去 Canteen 食嘢了 ~
食到 5 點幾都走喇 同里奧大人行去裕華 其實我想行超市 不過佢一路跟住我後面行 保鑣咩 佢真係對行超市無興趣 平時話行呢 都係佢要買嘢先行咋 ~
行到 6 點幾就去搵食 佢想食阿龍咖哩 但我話要食大辣先好味 不過聽日去旅行 所以話食第啲囉 諗住食間上海嘢 完全無冷氣得風 所以即走 之後再去到唔知邊 見到越南餐廳 咁我睇餐牌都啱我食 同埋前幾晚已經想食越南嘢㗎喇 所以就即入去喇 ~
都等咗幾耐 但整體都好好味呀 同埋整得好乾淨 ~
之後埋單嘅時候 里奧大人問老闆係咪一個廚師 ?! 老闆話個廚師係佢老婆 正宗越南人嚟呢 咁就正啦 下次有機會再食 咁一定會食 Pho 呀 ~
食完就搭小巴番屋企 沖埋涼都休息喇 ~
同里奧大人睇戲 居然比我認到男主角做過啲咩戲 里奧大人都話我勁 因為平時我大兜亂家嘛 哈哈 ~
睇埋新聞都要瞓喇 聽朝好早起身呢 ~
沒有留言:
發佈留言