保利假日酒店 @ 順德 DAY 1 ( 30-JUN-2019 )

( 30-JUN-2019  SUN )

今朝 7 點半起身喇   搞掂哂就番教會呢 ~

崇拜完畢就同埋弟兄 ML 兩公婆一齊去飲茶   Ivy 兩公婆就去攞位先 ~

虎皮椒辣辣哋   我覺得好味呀

今日好開心呀   我哋小組 3 Pair 一齊上大陸玩   又係天半團   咁樣唔駛咁趕   今次參加昇寶旅遊嘅順德最新開幕白金五星級保利假日酒店 (純玩半天團 HK$659)   司機 + 導遊服務費 (HK$120)   一千蚊唔駛玩天半都唔錯呀 ~

飲茶飲到 12 點就走喇   因為 1 點半喺羅湖集合 ~

我今次過關就慘啦   里奧大人幫 Ivy 拎個喼   所以我就負責拎個行李袋   點知我比人周呀   開哂兩個袋比佢 Check 啦   之後佢一睇到我個 Coach 袋就問佢啲同事新定舊 ?!   我即刻答話唔係新囉   佢哋 Check 其他嘢又唔見咁快手   咁其實我個袋係似新嘅   我只係用過幾次之嘛 ~

里奧大人頭先話見我拎兩大袋嘢   都可能會 Check 我袋   我咪話佢衰口囉   之後佢話我驚驚青青喎   大佬   直行直過都叫驚青 ?!   不過我係驚佢收我啲嘢   唔知搞幾耐先出到嚟咋 ~

1 點半準時出發   我哋呢團 47 人   但好似得 1x 人喺羅湖集合   其他喺落馬州口岸上車 ~

旅遊巴都舒服   同埋都乾淨

右邊把風扇喺日本城買㗎   $99   其實我覺得貴   但我又中意白色   同埋都輕身又唔嘈   所以買囉

我真係覺得去旅行係好快餓㗎   所以 2 點又食個窩夫

我驚佢哋餓   所以買定比佢哋食   不過最後都係原封不動番香港   哈哈

話咁快 4 點   個天灰灰暗暗

4 點鬆啲到酒店   可以鬆一鬆筋骨 ~

@ 假日酒店 Holiday Inn

@ Lobby

      
好似幾吸引   所以我去影張相

之後職員見我影相   即刻幫我拎開個酒店牌

一入到房   里奧大人即刻開廉影相

房間光猛同乾淨

洗手間

估唔到有熨斗同熨衫板

天色昏暗

我哋間房係望街景

雖然啲屋密質質   但望落都好舒服

呢邊好少車經過

Ivy 嘅房景   見到啲車   感覺有啲生氣   哈哈 

Check 好哂嘢   我哋就一齊出去行下喇 ~

一陣會喺呢度食 Buffet

去到 Lobby   弟兄 ML 見到舊同事   上次見到佢大學同學   今次見佢舊同事   仲有啲咩未見呀 ~

地方好大咁喎

好大個商場   住呢度都方便   因為好多食肆   哈哈   

周圍行下

超市好焗   但阻唔到我行嘅   哈哈

好大隻圓型茄子

好想食粟米 

其實我好鍾意買杯麵   但就唔會買好多   始終無益   里奧大人又鍾意食   成日借啲意話唔落街   早餐食杯麵   咁唔得囉

炸醬面半醬好吸引   所以買咗包同 Ivy Share

弟兄話呢個牌子嘅花生好味道   所以買 2 包

呢度係超市入口嚟㗎   係咪估唔到呢   哈哈

同 Ivy 一齊行真係唔掂   我哋兩個樣樣都想買   不過咁都好   可以 Share   但佢食得超級勁辣   所以勁辣嘢就真係唔會同佢 Share 喇 ~

無咩人都幾舒服

夜晚影應該會靚啲 

周圍都好多食店

商場有冷氣更好   哈哈

出番去喇

@ 保利中央公園

番到酒店 lu

好似一片片嘅椰子

行到差唔多 6 點   上房擺低嘢就去食自助餐喇 ~

都多人喎

我哋坐最入梳化位

里奧大人今次影咗好多食物相 

佢哋好忙   哈哈 

老實講   啲枱真係算好乾淨   同埋食物齊齊整整   咁睇都開心啦   

勁想拎條蕉番房食   哈哈   

甜品區

我無食呀   但里奧大人話唔錯

就算唔好甜品   我都覺得好吸引  

咁樣幾好喎   感覺乾淨好多

我一定會食芝士蛋糕

呢張係里奧大人影   我完全唔知有呢個塔   哈哈   

甜品真係幾吸引

見到黃蘿蔔壽司勁開心   

海鮮

Pizza

咁大隻字真係好喇   哈哈

中式小菜 

里奧大人嘅

黃蘿蔔壽司正呀   蝦都爽甜

蒜蓉烤生蠔 + 鯖魚

我嘅蒜蓉烤生蠔 + 鯖魚

里奧大人嘅   必有炒麵炒飯   哈哈

我咩都夾啲   里奧大人見我夾咁多黃蘿蔔壽司就喺度笑   哈哈   我真係好鍾意食嘛

我自己都好難想像   我會食甜品   但個 Cheese Cake 真係好好味呀   好濃芝士味

呢個正呀   酸酸哋   可以消滯

每人送碗花膠   不過我唔食得   比咗 Ivy

第 3 轉黃蘿蔔壽司   哈哈

係時間食番啲熱嘢

有個女人問我好唔好食 ?!   我話唔知喎   見新鮮出爐就試下囉   之後佢又試

咁食完都只係 8 點幾   又唔想出去   驚太夜無車番嚟   同埋最煩係要分開 2 架的士   呢樣先係最驚   個個都唔識路嘛 ~

@ 假日酒店 HolidayInn

上房抖陣再睇下點先   之後姊妹 L 話去我地房傾偈喎   咁我同里奧大人即去 7 仔買零食同飲品   咁 Ivy 兩公婆又話一齊去   所以買買下都幾多嘢   哈哈 ~

番上房即沖涼   我沖完之後   里奧大人話頭先叫咗服務員拎開瓶器上來   佢一入去沖涼   個服務員就拎上嚟   我接咗開瓶器之後   佢唔想走咁喎   咁我話用完比佢   佢話要我依家用完要比番佢   我話唔得喎   我有好多酒   我用完就會比番你㗎喇   之後佢仲企喺度喎   我問佢明唔明我講咩 ?!   佢話明   (其實我勁驚佢話唔明啦   我啲普通話唔係差成咁呀嘛)   但佢都係好唔願意咁走   哈哈   佢係後生仔   斯斯文文   可能做咗無耐   因為呢間酒店都唔係開咗好耐 ~

山芋片好味呀   汽水啤酒同水都係買 1 送 1

咁樣食薯片好方便

9 點幾就人齊喇   食下傾下   又差唔多到 12 點先散 ~

番到房   刷埋牙都瞓覺了 ~

呢日行程完畢 ^^