煎龍脷柳配拿破崙意粉 + 蒜蓉辣豆豉蒸節瓜金菇 ( 8-JUL-2020 )

( 8-JUL-2020  WED )

尋晚瞓得勁差呀   熱醒咗兩次   仲諗住食龜苓膏會好啲   點知反而熱醒 ~

咁我知道里奧大人鬧鐘響   但原來我自己瞓番都唔知   之後里奧大人用比較趕嘅語氣同我講話佢出門口先   我好奇怪點解佢會咁講   平時唔會講嘛 ~

咁我其實仲想瞓   因為佢多數 7 點 25 分左右出門口   但都係起身望下個鐘   原來已經 7 點 37 分   我再望多次睇下係 37 定 31 呀   因為我完全聽唔到自己鬧鐘響呀   之後問番里奧大人啦   佢話我知道自己鬧鐘響   仲叫佢幫我熄咗去添呀 ~

即刻刷牙沖涼   估唔到同平時一樣時間出門口   哈哈 ~

早餐食奶醬多   好耐無食   覺得好乾爭爭咁 ~

菇場勁忙呀   感覺真充實 ~   

今日菇場又處於冰河時期了   尋日整完唔覺   今日就好覺喇   哈哈 ~

Lunch Time 一到即飛去買魚片頭河粉   可能行來行去   所以特別快肚餓 ~

食熱嘢真係好舒服   今日食完都唔會出汗啦 ~

其實一半係醋一半係辣椒油   但啲同事成日以為我全部係辣椒油

仍然忙   樣樣都勁急   差唔多放工先做完呀 ~

番到屋企即預備晚餐   里奧大人差唔多 7 點就番到屋企   可以即刻開餐喇 ~

是日晚餐 - 煎龍脷柳配拿破崙意粉 + 蒜蓉辣豆豉蒸節瓜金菇

煎龍脷柳配拿破崙意粉 - 尋晚 10 點幾解凍   到今日 6 點都未解凍完   可能有水嘅關係   煎極唔脆咁   激死我 ~

蒜蓉辣豆豉蒸節瓜金菇 - 1 個節瓜 + 1 包金菇已經係一個餸   真係十蚊都唔駛   易煮又健康 ~

開飯前洗咗鑊   又大清潔咗廚房   所以食完飯就咁洗碗碟   感覺快好多咁   哈哈哈哈 ~

沖埋涼就休息   里奧大人就熨衫 ~

依家疫情又社區爆發   真係無咩必要都唔好出去食喇   但其實個人衛生都好緊要   之後      
里奧大人突然間話好 Buy 我話要沖涼洗頭先可以上床瞓   同埋總之落過街   就算 3 分鐘都好   衫褲襪都要洗   所以佢成日話我有潔癖   我話唔係   因為我睡衣都會着兩晚   只係覺得落街周圍都係塵咁解啫   上次同同事傾開環保袋   佢哋話唔會洗   我覺得好污糟啦   我每用一次都洗一次架   唔理咩質地   總之放過嘢落袋   我都要洗囉 ~

尋晚瞓得唔好   所以我今晚 11 點都即瞓喇   里奧大人就繼續睇書 ~