茄汁煎蝦碌 + 菜心苖拚粟米 ( 5-SEP-2020 )

( 5-SEP-2020  SAT )

今朝同里奧大人差唔多 10 點自然醒   梳洗後就等里奧大人買早餐 ~

食完早餐就抹下嘢   之後沖涼 ~

里奧大人 11 點 45 分出門口   家姐就 12 點 15 分嚟接我   今次佢竟然遲咗 10 分鐘   因為平時佢實預多時間嘛   之後佢話新車要適應   我話慢慢囉   用新 Keyboard 都要適應啦   何況新車   我又唔係急住要去邊 ~

又去廣良興買嘢再去盞記買無花果   之後去堅信號生煎包買埋 Lunch   估唔到外賣有 9 折   買完就即番屋企喇 ~

原來已經 2 點   Berry 姐見到我   又撲我又怪叫   之後仲女仔叫聲   勁得意 ~

生煎包 ($36/4個) - 呢個都好味   如果熱食就一流

麻辣無骨鳳爪 ($28) - 超級唔值   份量得好少咋   但味道都夠麻辣

芝麻醬五彩冷麵 ($48) - 得果少少芝麻醬   真係趺咗都唔知   實在太孤寒喇   好在家姐屋企有芝麻醬   如果唔係成個麵係乾到不得了

酸辣湯雲吞 6 隻 ($42) - 完全唔掂   個湯係凍咁嘅   呢間嘢真係唔會再幫襯

古法扣豬手湯麵 ($52) - 姐夫話唔係咁好味

呢杯黑糖珍珠奶茶要 $33   因為我要鮮奶   但今次好淡味   咁我買嘅時候   我同家姐話要飲一杯   之後番到屋企   我叫家姐飲啖丫   家姐唔係幾敢飲咁   我覺得好奇怪囉   之後家姐話我話要飲一杯呀   不過我都完全唔記得講過自己飲一杯呀   哈哈   因為基本上我咩都同佢 Share 飲   我覺得一杯份量太多呢

食完抖陣   之後同家姐一齊抹梳化   因為係酸枝   所以好鬼重   怪不得家姐話要慢慢拖出嚟抹啦 ~

搞掂哂就同佢執人個大櫃   最上嗰層要企鐵梯先執到   全個柜都係杯同鑊   有 3x 幾隻杯   我叫佢用隻八哥杯   之後執緊又叫佢用埋呢隻 Minions 杯   最後再叫佢用呢隻薑餅人杯   佢話用邊隻好呀 ?!   頭先妳已經叫我用果兩隻喇喎   真係笑鬼死我呀   我完全唔記得叫佢用添   之後叫佢比隻我用囉   我嘅專用杯呀   唉   佢又唔捨得掉   但唔用喎   咁唯呢個辦法啦   不過我都同佢掉咗幾隻 ~

幫家姐執咗 3 個櫃   居然每層櫃都有新嘅鍋   真係眼見有 5 個 20cm-24cm 鍋   家姐仲話其實佢收得好整齊   好意思講嗎?!

今次到我有收鑊   原來佢之前買咗個大嘅玫瑰鍋呀   我問佢點解買嘅 ?!   佢話好平喎   大佬   鑽石平就話知妳買幾多粒啦   起碼易收藏嘛   但啲鍋同鑊咁大件   買咁多做乜鬼呀 ?!   因為佢個柜好深   所以真係可以放好多嘢   咁就出哂事啦 ~      

又幫佢清咗一個大嘅黑色垃圾袋同細嘅垃圾袋   佢話個柜依家咁整齊同咁多空位   有啲唔慣喎 ~

之後幫佢執埋廁所嘅柜   又掉咗一層嘅嘢   工人都走咗 4 年啦   啲嘢仲喺度   係咪激死先 ?!   所以又清咗 1 個細嘅垃圾袋 ~

無人比妳咬   覺得好悶呀呢

瞓啦

對衰眼   哈哈

家姐 6 點幾去街坊屋企拎九節蝦   家姐話啲蝦跳跳下㗎   所以叫朋友快啲拎個膠袋蓋住佢   之後再用好多冰幫我冰震啲蝦   務求所有蝦都要死啦   哈哈   真係搞笑   個個見新鮮蝦最開心   得我同家姐想啲蝦快啲死 ~

原來咁多冰

6 點 45 分左右就車我番屋企   之後我就大清潔廁所   沖埋涼就等里奧大人放工 ~

今晚佢 8 點 15 分放工   所以我都即預備喇 ~

黃藍色嘅蝦鬚同蝦尾好靚呀   我真係好少見   因為我唔會買海鮮的

是日晚餐 - 茄汁煎蝦碌 + 菜心苗拚粟米

茄汁煎蝦碌 - 好有心機煎㗎   可惜啲汁唔夠   因為里奧大人鍾意用汁撈飯食   佢今晚好比面食咗 6 隻   我就食 3 隻   其實今晚煮完都無咩胃口   太夜呀   哈哈 ~

菜心苗拚粟米 - 點都要有條菜嘛   再加埋尋晚食剩嘅粟米 ~

9 點半食完   洗埋碗再大清潔廚房   之後再沖涼喇 ~

搞掂哂都 10 點   下次真係唔想煮呀   實在太攰 ~

今晚差唔多 12 點先眼瞓   因為太夜食飯   唔想咁早瞓呀 ~