燒汁焗雞翼 + 司華力腸 ( 3-APR-2022 )

( 3-APR-2022  SUN )

今朝里奧大人 8 點起身   咁我都諗住起身   但里奧大人話靈修半個鐘   叫我繼續瞓啦   我一瞓就瞓到 9 點 20 分呀 ~

我次次瞓到好晏先起身   里奧大人就會好開心   所以我一起身   里奧大人就話瞓多啲好呀   咁樣個人先靚啲   妳睇妳依家幾靚 ?!   痴鬼線   哈哈 ~

梳洗之後都即刻整早餐   今朝特登整丁丁比里奧大人食架   等佢開心下 ~

食完抖陣   沖埋涼就網上崇拜   咁樣啲時間就好用啲 ~

里奧大人差唔多 2 點先瞓晏覺   所以我自己食 Lunch 先   今日點都要食埋啲麵包㗎喇 ~

里奧大人 3 點幾起身   咁又焗熱麵包比佢食啦   好在唔係煮粉麵   哈哈 ~

估唔到我 4 點瞓到 5 點   唔知係咪天氣涼涼哋   個人好想瞓覺咁呢   仍都可能呢排瞓得唔好   要不斷補眠   哈哈哈哈 ~

我一起身   里奧大人又話妳睇妳瞓完   依家又靚咗呀 ?!   大佬   唔好咁搞笑好無呀   哈哈 ~

家姐話 Berry 瞓得好林   所以忍唔住影相比我睇   哈哈

工人送生日禮物比家姐   仲要係家姐鍾意嘅紫色   但家姐其實係 10 月生日   哈哈   不過佢真係好耐無出去街就真   之後仲買埋牛丸比家姐做晚餐   真係好有心好乖

今晚想 6 點半開餐   所以 6 點唔夠就要預備晚餐 lu ~

是日懶餐 - 燒汁焗雞翼 + 司華力腸

燒汁焗雞翼 - 用牛角燒肉汁雞翼   但醃咗兩晚都無咩味   好在我最後掃咗沙爹王 XO 醬咋   今晚食雞翼就想食濕嘢   所以煮豚肉拉麵 ~

司華力腸 - 尋晚食唔哂   今晚要食埋啦 ~

洗埋碗就抖下   之後同里奧大人一齊跳舞   今晚都有出汗   因為諗住天氣咁涼無汗出添   哈哈 ~

沖埋涼就休息 lu   今晚 11 點半都自己瞓先   里奧大人就繼續睇書 ~