三文魚柳 + 掛爐燒鴨 (外賣) + 秀珍菇旺菜 ( 4-APR-2023 )

尋晚食剩嘅餸   再煮個無味粉嘅拉麵   加埋啲蠔汁做撈麵   真係好正

 

( 4-APR-2023  TUE )

尋晚半夜去完廁所   感恩好快瞓得番咋 ~

早餐都係食多穀英國方包搽醬占   烘麵包要洗 5 樣嘢   之後再洗兩隻碟   好在唔駛沖咖啡同茶   唔係就要洗 9 樣嘢   所以有時鍾意食卷蛋再飲現成飲品   咁只係洗 3 樣嘢咋   勁爽   哈哈 ~

菇場唔忙啦   又可以做自己嘢 ~

Lunch Time 都唔想出去   所以就食 Flakes + 乳酪   阿齋話以為我會食即食烏冬   我話家姐之前買咗 3 包 Flakes 就到期又唔食   咁我唯有食埋去囉 ~

仍然唔忙   準時放工   買埋燒鴨就番屋企喇 ~

里奧大人話 7 點幾先番到屋企   咁我都有好多時間預備晚餐 ~

是日晚餐 - 三文魚柳 + 掛爐燒鴨 (外賣) + 秀珍菇旺菜

三文魚柳 - 終於食哂喇   里奧大人唔駛帶飯就可以食三文魚呢 ~

掛爐燒鴨 (外賣) - 突然想食就買啦   但最後只係食咗 1 件咋   咁留番聽日食啦   唉 ~

秀珍菇旺菜 - 差啲唔記得食埋啲秀珍菇   所以加埋落菜一齊食   始終菇類唔留低太耐 ~

諗住做運動   不過 Full 哂無得做   里奧大人話佢其實都攰   所以唔做都好喎 ~

里奧大人同事比嘅手信   我覺得好味呀   我都幾鍾意食菠蘿嘢   但鳳梨酥就唔鍾意   可能以前食得太多   食到驚咗

沖埋涼就睇 Youtube   雖然聽日放假   但都係 11 點瞓   哈哈 ~