Saizeriya ( 薩莉亞意式餐廳 ) @ 紅磡 ( 20-APR-2023 )

中華海草 (雙倍) ($18) - 里奧大人話要食呢個酸酸咪咪嘅嘢   諗到我一頭霧水   哈哈

原味雞翼 4 隻 ($20) - 呢個真係好味

莎樂美腸薄餅 ($36) - 無咩好選擇   所以又食呢款

蕃茄煙肉意大利粉 ($30) - 仍然想食酸嘢   哈哈

( 20-APR-2023  THU )

感恩尋晚瞓得唔錯   雖然起身去廁所   但都好快瞓得番 ~

早餐食咖啡味瑞士卷   諗住食嘅時候   一睇 Whatsapp 幾個訊息都係喊樣   我已經驚驚哋   原來 Binnie 尋晚走咗呀   嗚嗚嗚嗚   點解咁突然㗎   真係好傷心啦   只係 25 歲人咋   嗚嗚嗚嗚 ~

真係早餐都食唔落   坐車又同阿花 Whatsapp   大家都好傷心   佢仲係星期六去睇花生 Show   明明好期待   依家咁樣   唉 ~

菇場唔忙   但喊到傻咗   一見到啲資訊就忍唔住喊   真心覺得好心痛   只係 25 歲人咋   做藝人壓力真係好大   特別係韓國添呀 ~

Lunch Time 出去行咗 15 分鐘   因為開始落雨   所以即刻買牛腩河番菇場食 ~

頭先明明餓到打鼓   但買完又無咩胃口   最後食剩好多河粉   真係嘥哂 ~

菇場唔忙   西瓜又出咗去   我都睇住 Binnie 有咩最新資訊   但越睇又越傷心 ~

差唔多睇到 5 點幾   原來成盒紙巾比我用哂   真係好心痛   仲要係我追嘅團   嗚嗚嗚嗚 ~

今晚唔煮喇   里奧大人知我勁傷心   所以同我食 pizza ~

食完都番屋企   我沖完涼就熨衫   里奧大人就番學 ~

睇睇下電視又諗起 Binnie   真係喊足一日   但喺屋企可以放聲喊   舒服好多呢   願 Binne 喺天上更加幸福快樂 ~

里奧大人差唔多 10 點就番到屋企   沖埋涼都即休息 ~

傾多計偈   我 11 點幾都自己瞓先喇 ~