蕃茄薯仔南瓜湯 ( 10-NOV-2024 )

下午茶食唔哂隻雞翼   今晚再焗熱食埋去喇

( 10-NOV-2024  SUN )

尋晚瞓得麻麻哋   不過應該咗幫阿妹   所以點都要起身呢 ~

同里奧大人食埋早餐   之後要即番公司 lu ~

幫完手就去番崇拜   完畢就去買餸 ~

行下買下   差唔多 11 點 45 分番到屋企   放低哂嘢即滾湯   搞掂已經 1 點 ~

喺樓上買急凍雞膇   之後又忍唔住買咗呢包滕椒花生   好似 $14

爆醬餐包 ($21)

好攰呀   睇 Youtube 睇到瞓着咗   一起身已經 1 點 45 分喇   瞓完真係好好多   朝早做嘢焗得滯   令到我好唔舒服   好在食 2 粒 Panadol 好咗啲咋 ~

里奧大人 2 點幾放工   咁我話去大家樂食下午茶喇 ~

咁我要茶走嘅   我同里奧大人講話點解咁多奶㗎   佢笑住話茶走係走甜   唔係走奶喎   哈哈哈哈   之後我同家姐講啦   佢話茶走唔會少奶㗎   我承認今次豬咗

里奧大人叫我幫手食半隻炸肶   之得我唔買多個餐啦

食完就番屋企   抖陣就熨衫   里奧大人就瞓晏覺   我叫佢沖涼後就入房瞓   佢話唔想今晚要再沖   我話唔出汗就可以唔駛再沖囉   反正屋企開咗冷氣   應該唔會出汗啦   始終沖咗涼   瞓覺都舒服啲嘛 ~

睇多陣 Youtube   4 點開始靈修   只靈修咗 45 分鐘咋   因為里奧大人一起身就係咁講嘢   哈哈 ~

我同里奧大人講話阿齋成日幫我蒸飯   所以我可以出去行   佢問我行幾耐 ?!   我話 20 分鐘至半個鐘咁啦   佢話我原來咁健康   我咪話囉   成日話我懶   我晏晝有出去行㗎 ~

之後叫佢估下我滾湯時間   佢話一個鐘啩   我話滾好個湯真係要㗎   里奧大人話我煮得慢   我話因為我要將蕃茄薯仔同南瓜切到一粒粒係最花時間   我唔鍾意蕃茄薯仔一開 4 咁大嚿   其實如果我真係咁做   真係 5 分鐘就搞掂囉 ~

初初結婚嘅時候   我特登買把有波浪紋嘅刀嚟切青紅蘿蔔   後尾把刀爛咗   我先切粒粒咋 ~

咁見有時間就燜餸啦   以前覺得燜餸好難   依家就覺得好易同埋好方便呀 ~

今晚 6 點 10 分可以開餐   因為只係飲湯食薯仔   呵呵 ~

是日晚餐 - 蕃茄薯仔南瓜湯

蕃茄薯仔南瓜湯 - 8 個肉茄 + 4 個薯仔 + 半個南瓜   好在無買粟米   因為個煲已經無空間 lu ~

洗埋碗就沖涼   依家同里奧大人一齊睇 "中年好聲音 3"   鍾意聽啲評判比評價呀   次次聽完都唔知佢哋講咩   因為佢哋實在太專業喇   哈哈 ~

睇完再睇陣 Youtube   今晚 11 點先瞓呀 ~