Saizeriya ( 薩莉亞意式餐廳 ) @ 紅磡 ( 8-NOV-2024 )

黑椒汁漢堡配歐陸腸 ($42) - 唔想食意粉   所以試下呢個   我覺得幾好味   因為我鍾意食呢啲漢堡

原味雞翼 4 隻 ($20)

莎樂美腸薄餅 ($38)

中華海草隻倍 (18)

( 8-NOV-2024  FRI )

感恩瞓得都唔錯   但成日發夢   有個夢係我扶媽咪企身   但佢話我論盡囉   之後就見到 8 卦   傾咗陣就走   再有個夢係唔知邊個做緊咩   只記得彈啲血出嚟 ~

諗番起尋朝個夢先恐怖   有個細路比人斬手   但無血   同埋細路無喊   反而我嚇到大喊   起身嗰時有種窒息感覺添呀 ~

今朝同里奧大人出去食早餐   我之前可以飲得哂杯咖啡   但依家飲剩 1/4   可能之前病到無哂胃口   食哂三文治已經好勁   如果再飲哂杯咖啡   個胃好似頂唔順咁㗎 ~

唔忙就 Skype 啦   依家每逢星期五就好開心   希望以後都係咁啦   哈哈 ~

Lunch Time 去萬寧睇下嘢   之後醒起買護墊   咁啱做特價 $36   平時 $45 㗎   咁諗住買 2 Pack 啦   但最後都係買 3 Pack   因為買滿 $99 送 1 Pack 9 包檸檬茶呀   家姐話檸檬茶都要 $30 㗎    不過我話無買過   所以唔知價囉   但送就要   買就唔會呢 ~

去埋 759 買零食比黑珍珠個女就即番菇場喇   因為已經出咗去 35 分鐘   我驚乾水呀 ~

尋晚食剩嘅嘢   今日再食覺得好豐盛   哈哈哈哈

仍然唔忙就 Skype 啦   同冰姑講開煮飯   我話遲啲教里奧大人煮排骨   佢問我點解煮排骨 ?!   因為里奧大人好有信心 ?!   真係笑鬼死我呀   係因為我只識教佢煮排骨咋   哈哈哈哈 ~

放工去買雞骨草   今晚唔駛煮飯   所以唔駛咁趕 ~

我同里奧大人講話去食 Pizza   但其實最想食係啲雞翼   哈哈 ~

食完番屋企放低袋   再去公園散步   里奧大人又叫我着外套   但我話真係唔覺得熱喎 ~

番到屋企即開機洗衫   之後沖涼休息喇 ~

今晚真係超級眼瞓   10 點鐘已經瞓覺 lu ~