炸腐皮蝦卷拚叉燒煎蛋餅便當 ($68) - 同里奧大人 Share 食啲餸
( 9-NOV-2024 SAT )
感恩瞓得唔錯呀 今朝 7 點起身無難度 ~
同家姐 姐夫飲茶 之後姐夫同朋友去做運動 我同家姐食完就行超市 依家好笑 家姐成日以為我要買罐裝咖啡先行超市 我話之前買好多啦 唔駛買住呢 ~
潮州粉果 - 我頭先落車已經諗定食潮州粉果 點知我一去到 家姐就話叫咗潮州粉果 我話我正想食呀 家姐好開心咁問係咪真 ?! 我話呃妳做乜鬼喎
鴛鴦燒賣皇 - 家姐實叫 同埋叫咗牛肉腸 我每次飲茶都會食補血餐 哈哈
鮮蝦三寶餃
家姐話想食燒腩卷 我話係咪咁啱呀 我又想食呀 家姐話姐夫唔食 咁我陪佢食就最好啦
沙律春卷 - 掛住傾偈 差啲唔記得食
醬皇蒸鳳爪 - 今次又想食 可能太耐無食 哈哈
一個月無見 Berry 女喇 佢好搞鬼呀 喺家姐兩隻腳中間度 "捐" 出嚟呀 ~
成條海獅咁
又身痕喇 但陳老二隻狗都係咁 可能轉天氣
坐都未坐暖 家姐就話分啲生果比我 之後又話分啲手信比我 最搞笑分完我又袋番落袋 真係好鬼亂 擺得太貼真係好易搞錯 ~
家姐買咗 8 個澳洲芒 所以我又有 2 個喇
估唔到家姐鍾意食
每次去旅行都係賺咗利是 所以我都成日叫家姐唔駛比我 因為佢去旅行 我又比番佢囉
我話要將啲手信再影過 我問家姐有無同糟糟講話比啲我㗎 ?! 佢話糟糟都叫家姐分啲比我 哈哈
分好哂所有嘢 終於可以坐定定傾下偈喇 ~
我同家姐講話我無咩好嘢比妳 但就比咗個好朋友比妳 佢知我係講糟糟 哈哈 之後佢講細 K 由心而發講咗句 話糟糟呢啲朋友 真係一個頂十個 因為佢幫到實幫 唔會得把口呢 ~
籮籮都話糟糟妳都買咗好多嘢比家姐喇喎 不過家姐對糟糟都好好啦 去海洋公會都買件衫比佢 我都無呀 不過其實我唔係咁鍾意 Tee 生果又買埋佢嗰份 所以家姐啲同事覺得佢買好多嘢 以前就媽咪同我 依家就糟糟同我囉 ~
我覺得咁嘅角度好得意呀 哈哈 之後家姐都話好得意 叫我 Send 埋比糟糟睇
笑眼 其實對眼合到好埋 咁咪乖囉 貼住我瞓就瞓得咁淋 哈哈
想醒 lu
之後又唔理我喇 雙面狗 哈哈
家姐一行開 佢就會望實家姐
家姐好搞笑 成日話飽但口唔停 咩都開嚟食下咁 不過佢就同工人一齊食嘅 我就真係食唔落喇 ~
估唔到家姐都鍾意食車厘茄
傾下傾下又到 1 點 家姐同工人帶 Berry 去街 順便陪我搭車 ~
里奧大人 2 點先放工 所以去十二味食午餐 好似好耐無去食咁 ~
川式口水雞 - 係好味 但份量真係少咗好多
酸菜魚 - 都係一樣好味但份量少咗
食唔哂碗白飯 我會自備膠盒㗎 慳番兩蚊雞
食完就去萬寧買嘢 里奧大人就番屋企瞓陣覺先 ~
零食櫃已經爆哂 所以又要再執好啲 唔係擺唔落呀 ~
家姐比我嘅生果
唔好睇啲包裝咁細包 但份量都唔少㗎 之後發覺原來無拎到朱古力添
無啦啦又比埋我 不過我都真係啱嘅
家姐之前又係咳到顛咗 直頭含住塊陳皮瞓覺添呀 咁先覺得舒服啲咋
我話鍾意福寶 里奧大人上次叫我睇功夫熊貓 上次家姐去海洋公園 特登留番呢 2 張咭比我 細 K 送咗呢 2 隻碟比佢 佢同細 K 講話阿妹好鍾意熊貓 細 K 就比多 2 隻 咁我都同定姐講我只係鍾意福寶家族 家姐個樣好慘咁話 我特登留比妳㗎 同幫妳諗埋妳早餐又影相 呢隻碟細細隻啱啱好 佢講到咁 我唔要唔得啦 哈哈
~ 我成日想買 2 Kgs 嘅米 因為我將所有米放入雪櫃 但家姐話唔抵 所以佢比米我 我話咁好呀 我唔駛錢 之後佢話下次送貨可以順便訂埋 2 Kgs 嘅米 咁我唔駛拎 我話駛咩呀 要訂不如我自己買都得啦 同埋我上車落車又方便 真係唔好訂比我囉
里奧大人 5 點左右番公司 咁我都一齊出喇 可以同阿妹傾下偈 ~
之後番崇拜 完畢就去食飯 lu ~
老闆以為我哋外賣 話我哋好耐無堂食 哈哈 ~
食完即番屋企 開埋機洗衫就沖涼 抖陣再熨衫 ~
真係好感恩 我想食藍莓好耐 但次次去 HKTV Mall 都無想買嘅牌子 依家有 5 盒可以慢慢食 lu
啲藍霉好大粒 Size 同車理茄差唔多
睇下 Youtube 又打下機 今晚 10 點 45 分先瞓覺 ~
沒有留言:
發佈留言