椒鹽豬扒 + 味千拉麵 + 青紅蘿蔔海底椰瘦肉湯 + 跑步機

椒鹽豬扒 + 味千拉麵 + 青紅蘿蔔海底椰瘦肉湯 + 跑步機

尋日同里奧大人買完餸番屋企抖一陣...唔知點解個人好攰...所以都無咩點做家務...因為想留力一陣做機同煮飯呀

3 點幾去食 tea...食廈門炒米 + 鹹魚雞粒炒飯...食完番屋企抖陣就一齊去做機...好耐都無同里奧大人一齊做機喇...所以一路做一路偷偷望里奧大人跑步嘅英姿...好過癮啊

番到屋企即刻 ready 煲湯同晚餐喇

是日晚餐 : 椒鹽豬扒 + 青紅蘿蔔海底椰瘦肉湯
椒鹽豬扒 - 第一次整...勁好味...可能因為有五香粉...但就做唔到半煎炸咁囉...如果唔係應該會更好味

味千拉麵 - 因為差唔多過期...唔食唔得

紅青蘿蔔海底椰瘦肉湯 - 里奧大人爆靚仔蒼...所以必須要煲清潤湯水比佢潤一潤

做完所有嘢就比自己抖下...食下生果咁啦 

雖然星期六...但都好早瞓...11 點幾就瞓喇


  

      

今朝同里奧大人打的番教會...喺教會附近食早餐...食奶醬多 + 丁麵餐...唔好食嘅

崇拜完同里奧大人去街市買嘢 .. 買一個哈蜜瓜 ($28) / 兩個台灣石榴 ($10) / 一個苦瓜 ($9) / 兩包獨子蒜 + 兩包豆豉 + 一包紅蔥頭 ($25) / 一餅菊花 ($34) / 一條龍脷柳 ($13) 就歸家喇

一路行一路覺得里奧大人好慘...好辛苦咁...因為樣樣都係佢拎...見佢咁樣...咁好人咁...真係要煮多 d 自以為好嘢嘅餸菜比佢嘆下呀

番到屋企做下家務...周圍滕又已經到食 tea 時間喇...去大家樂食 tea...因為想飲珍珠奶茶...但售罄...激到頭暈...求其叫熱狗 + 奶茶...里奧大人又係食叉燒湯瀨 + 可樂...無得飲珍珠奶茶...連份 tea 都覺得唔好食呀  

諗住去藥房買廁紙 (scott 淨色 10 送 2 )...點知一條都無得買呀...再望下價錢...由原本 $17 加到 $21.5 呀...依家好後悔點解之前唔買多幾條呢

講開買廁紙...以前屋企閒閒地會有 6 條廁紙...但里奧大人話我顛喎...有病態...唔比我再咁買...我先慢慢戒甩咗呢個習慣咋...不過有樣嘢改唔到就係...買什麼都要打孖上囉


詩歌分享
孝親歌 (第一節)
人生世上誰無雙親   父母俱全是福份
想念父母教養苦心   我生何敢負報恩
父親母親當孝敬   上帝誡命當遵行
孝敬父母遵誡命   成全神旨樂天倫

我爸爸走咗好耐喇 .. 所以父親節對我黎講真係有 d 傷感 !!