難得黑雨唔駛番工...但里奧大人又番咗工噃...得我一個係屋企...大把時間比我做家務...所以就拖地...洗衫...熨衫過日晨...之後再玩下焗麵包...唉...等發酵過程都知唔掂架喇...因為一 d 都唔發...仲係濕立立咁...我都無眼睇...
里奧大人 4 點幾先番到屋企呀...所以拿拿聲去大家樂食 tea 喇...食雞翼配炒麵 + 燒鴨瀨 + 花生醬西多士...唔知係咪晏食嘢...所以覺得好好味啊
番到屋企即刻睇下 d 麵包發酵發到咩地步先...點知...同頭先一樣...無發過同濕立立嘅...不過唔理喇...照焗...焗出黎好香喎...我覺得口感唔似麵包...里奧中人話似光酥餅咁...不過甜咗小小...但好鍾意食喎
(發緊酵嘅麵包...不過我無用布...求其用保鮮紙包住就算..因為我知道呢個包唔掂...無心機整)
(唔講都唔知係啱啱出爐嘅麵包...因為太濕...根本搓唔到一個個麵包型...求其算喇)
(食落 ok...但都係唔似麵包囉)
(算是起司嗎??)
焗完包又喺時間 ready 晚餐喇
是日晚餐 : 奪命叉燒 + 黃金西蘭花 + 無花果蘋果瘦肉湯
奪命叉燒 - blog 友 亞 see 話焗叉燒好易...所以咪學焗囉...買 $12 枚頭...用 3 大湯匙叉燒醬醃咗 6 個鐘 (但無落酒)...焗出黎樣衰到不得了...又唔燶...又無味!!help me!!最恐怖係反轉焗另一面時...d 汁漏咗出黎整燶咗個鐵盆..搞到個焗爐出哂煙...嚇 c 我呀...幾驚戚咗要焗叉燒...而要賠上一個廚房呀
(http://hk.myblog.yahoo.com/puisee78/article?mid=7549 亞 see 自制叉燒飯)
黃金西蘭花 - 學人用鹹蛋黃碎黎炒...但d 鹹蛋黃唔夠黃...肉酸到爆...我又唔識打獻...更加肉酸...見到樣衰嘅嘢真係唔開胃架...所以為咗增加食慾...就加 xo 醬去炒...咁就惹味好多啦
無花果蘋果瘦肉湯 - 無花果 8 粒 + 蘋果 3 個 + 陳皮 1 塊 + 瘦肉 ($20)...煲 2 個鐘...好在呢個湯都好飲...如果唔係真係會唔開心成晚架
其實今餐晚餐同焗麵包都係第一次整...但就唔係咁掂...弱小心靈受到極大創傷啊
今朝瞓到 11 點 3...所以無番教會...咁晏連早餐都無出街食呀...所以就煮里奧大人最鍾意嘅丁丁 + 咖啡喇
食完做下家務又已經到食 tea 時間喇...唔知食咩好...所以決定一路行一路睇...想食越南嘢 .. 但 3 點幾都要等 8 張枱...點等喎...所以最後都係去茶餐廳食 tea...食炸豬扒麵 + 炸菜肉絲麵...再嘆杯涷奶茶...超正呀
發
沒有留言:
發佈留言