做節住家飯 @ 媽咪屋企

尋日超開心...因為番媽咪屋企食飯做節呀 

放工即走啦...好想快 d 見到媽咪呀...番到屋企門都未開...深愛嘅朱朱已經熱烈咁歡迎我喇

因為要等埋家姐同里奧大人先開飯...又無嘢好做...所以我就飲兩大碗湯同食 d 自家糉先

當工人 "不" 湯時...媽咪話 "不" 多 d 龍眼肉同當參比我..我扮嘢問媽咪做咩 "不" 多 d 比我嘅??媽咪話知妳好鍾意食咪 "不" 多 d 囉...真係好感動呀...因為媽咪時時刻刻都會記住我鍾意食 d 咩...我一去媽咪屋企就會可以一次過食哂自己鍾意食嘅嘢...世上只有媽媽好是真的...不過爸爸都好好架...不過無懷胎十月之苦之嘛...總之爸爸媽咪都係好好啦

是日晚餐餸菜好似係 : 蒸花蟹  + 蒸石斑仔 + 蒸鮑魚 + 豆角炒豬潤  + 清炒菜心 + 自家糭 + 清保涼當參豬骨湯
食到好飽...飽到有 d 暈暈地...係真架...唔知點解次次好飽就真係有 d 頭暈嘅感覺架

九點就同埋家姐一齊走喇...仲係落雨...好煩啊


  

      

今朝里奧大人 7 點 3 出門口時同我講話依家 黑雨...但佢就照番工囉...因為好多 urgent 嘢要搞呀...而我都唔敢瞓啦...因為唔知黑雨幾時會除下嘛

咁咪睇電視囉...睇到 9 點幾就他他條條去 kfc 食早餐 .. 牛角包 + 咖啡 ($12)...之後就去百佳入貨...行行下...差唔多 9 點 50 分...同事打黎話 10 點仲係黑雨就唔駛番喇...咁即係唔駛番啦...所以就以超 relax 嘅心情環繞一周喇