芝士蒜蓉煙肉焗青口意大利麵 + xo 醬炒韓式年糕 + 粟米湯 + 跑步機

係時候要將雪柜清倉...所以尋晚好他條...可以行下 jusco...順便再買多罐另一牌子嘅芝麻糊

落雨真係連機都唔想做..但唔可以比籍口自己...所以最後都要去做機

又係要等里奧大人收工...真係有 d 沮喪...因為個人一 "灘" 喺度就會好攰...又唔沖得涼...要整嘅又已經整哂...連睇電視都悶過人呀...我真係好怕等嘅感覺... 
到 8 點 8 終於等到電話...所以要立即 ready 喇

是日晚餐 :芝士蒜蓉煙肉焗青口意大利麵  + xo 醬炒韓式年糕 + 粟米湯
芝士蒜蓉煙肉焗青口意大利麵 - 基本上我將所有嘢煮熟先放入焗爐...咁就唔會唔熟啦...材料非常簡單...急涷青口 + 罐頭忌廉蘑菇湯 + 蒜蓉 + 煙肉 + 意大利麵...蒜頭煙肉切粒 (我得閒...所以炒熟去先)...之後放在青口上面...再舖芝士粉...放在已混有白汁嘅意大利麵上面...焗 20 分鐘搞掂...第一次整...算唔錯啦...不過我唔記得洗青口...所以一路食一路驚會肚屙...好在無事咋

xo 醬炒韓式年糕 - 年糕其實過咗期幾日...但見無異樣...所以炒埋黎囉...唔好浪費嘛

粟米湯 - 無買菜...所以要飲粟米湯...呢個湯係家中必備嘅

食完里奧大人話幫手洗碗...唉...雖然我都好攰...但又唔想里奧大人咁辛苦...所以都係自己洗算喇

沖埋涼食埋生果已經 10 點 半...又要變番 11 點幾瞓呀 

   

      

今朝無落雨...仲有 d 太陽...真係太好喇...因為好耐無見太陽喇

早餐又食炒米粉 + 咖啡 ($13)...開始有 d 悶...但又諗唔到想食咩

晏晝同里奧大人食麵...食魚片頭米粉 + 牛腩麵 ($20)...等咗半個鐘先有得食...原來漏單呀 .. 仲要比錯我添...我想食魚皮餃家嘛...不過里奧大人要趕住見客...費事改咋...真係撞鬼

  

醫 學 Online
咖 啡 防 婦 女 心 臟 病

西 班 牙 一 項 大 型 研 究 發 現 ， 經 常 飲 咖 啡 （ 圖 ） 不 會 令 人 壽 命 縮 短 ， 意 味

咖 啡 因 對 健 康 的 影 響 未 必 如 一 般 人 預 期 般 嚴 重 ， 甚 至 可 以 幫 助 女 士 預 防 心 臟 病 。
研 究 人 員 分 析 逾 12 萬 名 男 女 飲 咖 啡 份 量 與 早 死 的 關 連 ， 研 究 跟 進 時 間 長 達 20 年 ， 結 果 發 現 ， 即 使 日 飲 六 杯 咖 啡 的 人 士 ， 提 早 死 亡 風 險 較 不 飲 咖 啡 的 人 並 無 明 顯 增 加 ， 經 常 飲 咖 啡 的 女 士 因 心 臟 病 死 亡 的 比 率 ， 更 較 不 飲 咖 啡 的 女 士 低 。