做節 @ 酒樓 + 跑步機

同里奧大人食完嘢就行陣番屋企 lu...因為無咩地方好去 

夜晚又唔駛煮 .. 因為同里奧大人屋企人做節呀 

7 點就去屋企樓下嘅酒樓食晚飯喇...其實好怕星期日或者大時大節去酒樓食飯...因為 d 嘢食好求其又唔好食...仲慘係嘈到拆天...食完頭都痛呀

今集獎門人又係唔好笑嘅...失望失望

      

今朝瞓到 10 點 50 分...我好想去太興食早晨...所以里奧大人即刻起身衝落太興攞位...好在有位咋...一坐低要 order 喇...如果唔係無得食架喇...share 食黑椒雞扒配腸仔 + 沙爹牛肉腸仔通粉...慢慢嘆...加上天氣好好...超正呀 

食完同里奧大人開電話就一齊去做機喇...做下運動...個人都好似精神 d 咁呀

做完機就去買餸...買 3 支粟米 ($5) + 4 個橙 ($12) + 3 塊雪藏豬扒 ($17) + 2 隻雪藏雞肶 ($12) + 1 個大洋蔥 ($2.5) 就番屋企喇

硬係覺得假期 d 時間過得特別快...唔知係咪做所有嘢都慢慢黎...因為有大把時間唔急呢??如果唔係...無理由 d 時間過得咁快家嘛

眨下眼又到食 tea 時間喇...但覺得好似無幾耐先食完早餐咋噃...又食??唔知食咩好...又係求其去茶餐廳食啦...食廈門炒米...里奧大人食星洲炒米 + 奶醬多 ($48)...廈門炒米酸酸地...所以越食越肚餓...唔掂呀...所以番屋企清埋包魚酥...橫掂 d 魚酥就過期...同埋最緊要係低熱量小食嘛  

發