焗豬扒飯 + 金銀蛋莧菜 + 蘋果無花果粟米瘦肉湯 + 跑步機 + blog 友 (噹媽) 聚頭

焗豬扒飯 + 金銀蛋莧菜 + 蘋果無花果粟米瘦肉湯 + 跑步機 + blog 友 (噹媽) 聚頭

天氣太熱...番到屋企個人好似散哂咁

喺屋企 me me 摩摩已經 4 點幾...係時間 ready 煲湯喇

是日晚餐  - 焗豬扒飯 + 金銀蛋莧菜 + 蘋果無花果粟米瘦肉湯
焗豬扒飯 - 其實唔想開焗爐架...但為咗要用埋支差小小就過期嘅芝士粉先整焗豬扒飯咋...不過整得太多...所以要留番第晚食 

金銀蛋莧菜 - 又係要清過過咗期一日嘅雞湯...又要清埋好似過期嘅皮蛋...所以就整呢個菜喇 

蘋果無花果粟米瘦肉湯 - 清清地...好好飲架

食完洗完沖埋涼就同里奧大人一齊睇獎門人...笑到標眼水呀...真係好似好耐未咁笑過呀...除咗同冰姑卡姑 msn

      

今朝勁熱...所以食芝腿菠蘿包 + 涷奶茶小甜...勁好味呀

番到菇場無咩 mood...只係好期待食 lunch

晏晝同里奧大人同 blog 友 噹媽 去茜廊食 lunch 呀...好開心噹媽特登黎搵我食 lunch 呀...第一次見到噹媽 d 感覺好得意...因為真係估唔到係網絡世界識到朋友..睇 blog 覺得噹媽係細細粒...瘦瘦同聲沙沙嘅...但原來噹媽把聲好清好甜好高音架...同埋真人靚過相好多架...皮膚白白咁...又瘦喎...我已經特登着黑衫黑衭架喇...但企喺噹媽隔離...顯得自己成隻企鵝咁呀...
一路食一路傾...好開心呀...但噹媽食好小嘢咋...唔通唔好食??等我仲成日同里奧大人講話噹媽好食得添...第一次見...我當然要扮斯斯文文啦...用刀叉切春雞真係好煩...但又唔好意思第一次見人就用手扯開黎食 .. 唔想嚇親人嘛

仲有一樣勁窩心嘅事...就係噹媽知我星期六煲咗冬瓜水...所以朝早特登整咗支愛心酸梅湯...再買咗罐濕疹藥膏比我呀...好感動呀!!我一早都估到噹媽會比嘢我...所以星期六我都特登買小小小禮物比噹媽做見面禮呀...噹媽...辛苦哂妳喇!!下次唔駛咁客氣呀下...唔係 bad list 妳架... 
最可惜係 lunch 時間有限...希望下次見噹媽嘅時間可以耐 d 啦...女人多嘢傾嘛

(噹媽愛心酸梅湯)

(噹媽愛心濕疹 cream)