雙丸金菇鍋 + 水餃生麵 + 粟米湯

尋日好奇怪...因為滿腦子都諗住煮 d 咩煮 d 咩咁...直到放工番到屋企都係咁諗...唔通自己真係咁鍾意煮嘢

但諗得多原來係無用...因為唔知里奧大人 ot 到幾點...咁即係得我一個人食晚飯先啦...一個人就易話為啦...所以去街市買 d 海膽丸同蟹子丸 $12) + 金菇 ($3.5)...再去超市買煙肉...火腿...薯片...汽水咁就番屋企喇 

是日懶餐 - 雙丸金菇鍋 +  水餃生麵 + 粟米湯
雙丸金菇鍋 - 好想打邊爐...所以就整雙丸鍋喇...但原來無沙爹做湯底係好唔掂架 

水餃生麵 - 為里奧大人而煮嘅

粟米湯 - S & W 嘅粟米湯...但我都係覺得 "地們" 好飲 d

唉...里奧大人成 10 點先開餐...咁我咪陪佢飲粟米湯囉...真係想唔肥都難呀

尋晚偷偷地見到里奧大人睇我網誌...心裡暗喜...仲以為想關心下我每日做過 d 咩...哼...原來唔係...係驚我 post 佢晏晝影得不太靚仔嘅相...其實傻啦...未問過你又點會 post 出黎喎...就算係都會打格仔啦...同埋我覺得佢頭髮亂咗要打...眼圈太深要打...咀型唔靚要打...件衫太皺要打...background 唔襯要打...咩都要打  

       

今朝個天好黑...又落大雨...加上瞓得唔好...好煩呀

呢排成日都食濕立立嘢...突然好想食三文治...所以食芝蛋治烘底 + 咖啡 ($15)...食咗就開心 番 d 咁囉 

番到菇場忙於 msn...唔得閒遊 blog

晏晝仲係落好大雨...所以我去里奧大人公司對面食麵...費事里奧大人濕哂身嘛...不得不讚揚自己好體貼呀...其實間嘢 d 麵係好唔掂...但無辦法...所以叫 d 大路嘢囉...我食南乳豬手麵...里奧大人食炸醬麵 + 熱檸蜜 ($48)...兩樣都好唔掂呀 

發