嘉華大酒樓 @ 官塘 ( 10-JUN-2012 )

籠仔蒜蓉糯米蟹 - 原來蟹仔都好多膏   有驚喜

上湯焗波士頓龍蝦伊麵 - 個上湯加埋伊麵好好味呀   同埋伊麵份量真係好多
生炒骨 - 差唔多次次都叫   因為好味道

腿汁琵琶豆腐 - 我麻麻哋呢


上湯米粉 - 里奧大人話驚唔夠食   所以特登叫碗米粉   因為佢唔記得有糯米飯呀

紅豆沙 (免費) - 都好多料喎
生果拚盤 (免費) - 個橙好甜   西瓜都多汁

( 10-JUN-2012  SUN )

諗住番主日學   不過里奧大人話尋晚瞓得唔好   所以唔番喇 ~

咁差唔多 10 點就醒   家姐 SMS 問我哋醒未   仲以為佢想約我哋食 Tea 添   原來佢同媽咪 & 姐夫喺鴻星飲緊茶   問我哋落唔落嚟   咁近梗係落黎啦   不過依家鴻星嘅早茶優惠時間由 12 點提早到 11 點   所以今次都比較趕   不過無問題啦   我同里奧大人好多時半個鐘頭內都食完早餐嘅 ~

飲完就各自歸家   我即沖涼啦   諗住番教會嘛   估唔到里奧大人話要做公司嘢   所以唔番   咁我都唔番喇   喺屋企 Hea 陣就熨衫   飲杯白咖啡   睇下雜誌   都好快 2 點幾 lu ~

里奧大人想食米線   好感恩一去到有位呀 ~

今晚大食表妹探媽咪   所以會同家姐 & 媽咪去酒樓食飯   咁其實尋晚媽咪已經約我   但我又唔知里奧大人忙唔忙   佢唔去我就想煮飯比佢食   佢好似好耐無食住家飯咁   所以我話今日再睇下點   好感恩里奧大人特登快快手做完公司嘢   所以可以一齊去食飯喇 ~

我哋差唔多 8 點半就走喇   我同里奧大人行路番屋企   食飽行下真係好舒服呢 ~