金姆指米線 @ 九龍灣 ( 13-JUN-2012 )

我嘅豬潤片麻辣米線 (1 辣) - 睇緊中醫   所以唔食咁辣   不過試咗家姐一啖 4 辣酸辣湯之後   我突然覺得全碗米線都好辣囉

家姐嘅豬耳絲酸辣紅薯粉 (4 辣) - 家姐話唔知呢間辣度係點   所以叫 4 辣先   最勁係最辣   不過我永遠唔會可以話到比佢知點辣   家姐一睇碗湯底就即刻話唔辣咁嘅   咁我 "北" 半湯匙想試   點知佢試咗一啖話都好辣   嚇到我即刻倒剩手指尾甲 Size 嘅份量試試   但紅薯粉都唔煙韌嘅

里奧大人嘅鮮牛肉魚腐酸辣米線 (1 辣) - 佢話今晚唔在狀態   所以 1 辣喎   所以佢睇到張單   見到家姐係 4 辣   佢碌大隻眼好驚訝咁呀   哈哈

菜心 - 食到一條好似有酸味   好驚

( 13-JUN2012  WED )

今朝個天黑哂   又落雨   所以真係攰上加攰 ~  

食通粉 + 凍咖啡   次次飲凍咖啡就好精神   熱咖啡就無咁精神   不過飲完凍咖啡就要成日去廁所囉 ~

同 8 卦 MSN   佢想下年結婚   所以佢就問我結婚有咩開支   傾下傾下都差唔多 Lunch Time 喇   時間過得幾咁快呀 ~

Lunch Box 係炒麵   好味道呀   因為尋晚無食到嘛   所以覺得唔係食隔夜嘢 ~

又同 8 卦 M 啦   講數字講到頭痛   依家咩都貴哂   兩個人結婚唔計供樓都起碼要 20 萬   係最保守估計   仲要唔係豪華嗰隻喎   所以佢話結婚原來真係要洗好多錢呢 ~

今日時間過得好快   好快就放工   即走啦   趕住睇中醫呀 ~

今晚差唔多 7 點先有得睇   條腰好痛呀   所以今次針灸要好多支針   不過我覺得醫師可能覺得我好驚針   所以我問佢幾支針   佢笑笑口話數支   其實我諗住佢桔嘅時候我數住   不過好酸好痺呀   有下佢就咁按都好鬼痛添呀   痛到大叫呀   應該條腰勞損得犀利囉   佢桔完之後   我成個額頭係冒汗   但隻手係冰凍   所以都唔知有幾多支針   都應該 1x 支 ~

20 分鐘之後就要拎枝針出嚟   諗住計下幾支針   但果嗰下我 Feel 到拔出嚟嘅時間耐過上次   好奇咁問助手桔到幾入   佢話 3 吋   我即用隻手指計 3 吋有幾多   但係計錯 3cm 長度   之後再諗   唔係喎   3 吋噃   我當堂好後悔問佢呀   因為我下次一定會幻想 3 吋嘅針係幾咁長囉   同埋最後都無數到幾多支針   因為聽完佢咁講   個人好鬼驚囉 ~

家姐去完 APM 嘅 Crabtree 就過嚟九龍灣一齊食米線喇   之後我哋食完   里奧大人就到咗喇   等佢食完就各自歸家 lu ~