住家飯 @ 媽咪屋企 ( 1-JUN-2012 )

茄汁蝦

芝士腸

勝瓜炒雲耳

香草燒汁琵琶鴨 @ 一田

芒果 / 甜橙

( 1-JUN-2012  FRI )

Happy Friday 喇   超級開心啦 ~

早餐食菠蘿包餐   好似無咁悶咁   哈哈 ~

本來想買嘢番菇場食   不過 8 卦又無帶飯   所以一齊出去食酸辣米線喇 ~

次次晏晝食米線都覺得有啲滯   真係好奇怪囉 ~

里奧大人上咗大陸   所以我又番媽咪屋企食飯   不過無話比媽咪知   因為我諗住放工去一田買零食再買現成食物做餸   好感恩可以買到隻香草醬燒琵琶鴨做餸   行下買下又買咗兩大袋   想再買又無手拎   同埋都 6 點半  所以都搭車番媽咪屋企 lu ~

邪到爆   一早同家姐講話同佢一齊入番屋企嚇媽咪   不過我一出巴士站已經有車   所以家姐叫我番媽咪屋企先   但估唔到居然塞車   所以真係承我貴言   同埋家姐一齊上媽咪屋企啦 ~ 

媽咪見到我好驚訝咁   之後 "呀" 咗一聲   原來係叫工人即刻斟杯羅漢果山渣比我飲   嚇得我吖   之後又話點解番嚟唔出聲   我話唔知里奧大人係咪好夜番   有時又可能 8 點番到香港   所以我唔想又話嚟又話唔嚟   預備哂餸無人食真係唔係咁好嘛 ~

坐到 8 點 45 分就同家姐一齊走喇   家姐話尋晚見到麥記廣告大薯條買一送一   所以好想食   咁我就留肚陪佢一齊食薯條啦   新鮮熱辣真係好鬼正   不過食到一半已經覺得好飽好飽 ~ 
 
食完上嚟我屋企坐下   睇下雜誌   睇下魚仔   差唔多 10 點半先走   里奧大人就 10 點 45 分番到嚟   又係食麥記餐   早啲出聲嘛   留番啲薯條比佢食咪唔駛買餐囉   哈哈 ~