豆豉鯪魚炒油麥菜 + 菜心 ( 19-JUN-2012 ) + ( 20-JUN-2012 ) + ( 21-JUN-2012 )

( 19-JUN-2012  TUE )

尋晚 10 點半瞓喇   所以今朝都 OK 精神呢 ~

早餐食奶醬多   加埋杯咖啡真係超正 ~  

菇場靜啦   咁啱 8 卦又得閒   又講下結婚啲嘢   話就咁同女朋友傾下禮金家用都已經有啲嘈交   我話等大家冷靜再傾   慢慢嚟   總有解決辦法嘛 ~

驚落大雨   所以今朝買咗吞拿魚包同雞尾包做 Lunch 喇 ~

放工即走   去完街市買菜   再去超市買生果   諗住買花生   居然無喎   所以又要番去街市買   因為實在太想食花生呀 ~

番到屋企即洗菜   之後開機洗衫再拖地   搞掂哂就煮飯   又係自己食先   好在 7 點半可以開餐   早啲食早啲消化 ~

是日懶餐 - 豆豉鯪魚炒油麥菜 + 菜心

豆豉鯪魚炒油麥菜 - 問里奧大人食豆豉鯪魚炒油麥菜定黑椒肉絲意粉   佢話要食豆豉鯪魚   咁就整啦   因為都叫方便嘛 ~ 

菜心 - 星期日買架   尋晚食咗半斤   今晚清埋呢半斤   點埋蒜蓉辣椒一齊食   超級好味呀 ~

里奧大人 8 點半放工   我就一路熨衫一路等佢番   攰到呢   之後食下花生   都脆喎   不過里奧大人話唔夠香   我話無所謂   因為真係好想食花生 ~

( 20-JUN-2012  WED )

今朝早餐食到一半   又收到 8 卦電話   又一齊食喇 ~

超級眼瞓呀   幾難先等到 Lunch Time   今日又有 Lunch Box   係前晚整嘅蜜餞肉排   下次都係唔好整咁多肉 ~

終於每月一到   唔怪得個肚谷谷   同埋特別特別攰啦   我仲洽咗陣添呀   放工即走去睇醫生   拎埋聽日病假紙   咁就可以安心咁瞓 lu ~

無胃口呀   番到屋企即沖熱水涼   之後瞓下   睇下電視   等埋里奧大人番   我就入房瞓喇 ~  

( 21-JUN-2012  THU )

個肚都痛   不過可以接受   但又係嘔   所以呢日都係瞓   沖熱水涼   又瞓咁囉 ~

瞓到 3 點幾都係出廳睇電視   之後又係瞓下睇下咁   個肚都係扯住扯住咁痛   但叫做都有心機睇下電視   同埋想食嘢   不過最後都係無食   懶得行呀 ~

里奧大人差唔多 9 點先喺大陸走   番到嚟 10 點幾   又買麥當勞加大餐   話特登比隻紫色杯比家姐喎   聞到薯條好鬼香呀   超勁想食   見到杯大可樂超勁想飲   不過都係忍下口   第一口食咁油膩嘅嘢會好反胃   所以都係瞓覺算數 ~