水餃蝦子麵 + 牛油咖啡曲奇 ( 24-JUN-2012 )

( 24-JUN-2012  SUN )

今朝 7 點 20 分起身   沖完涼就即去鴻星搵位   同媽咪 家姐飲早茶呀   不過其實約咗佢哋 9 點    但我唔想 8 點半先落嚟搵   驚無位嘛   佢哋差唔多 8 點 45 分就到喇   估唔到我自己已經坐咗一個鐘呢 ~  
 
里奧大人要睇醫生   所以佢 9 點幾醒咗   落埋嚟一齊飲茶喇 ~

魚肚滑雞扎 / 回味銀針粉 / 鮑汁雞腳 / 生滾魚滑粥 / 薑蔥牛柏葉 / 荔芋鴨腳扎 / 鮮蝦炸雲吞 / 懷舊馬拉糕

差唔多 11 點就走喇   里奧大人去睇醫生   我去惠康換碗   之後再去診所等埋里奧大人一齊番屋企   佢食完藥就瞓喇   我就睇電話   雜誌   玩 Line   到 2 點幾就自己烚糭食 ~  

之後就焗曲奇   因為牛油差唔多到期   所以3 點開始整   搞到 6 點幾    抖到 7 點就預備晚餐 lu ~

之前買咗本焗曲奇書   咁的起心肝啦   其實最主要係牛油差唔多到期   咁我決心焗雙色曲奇   因為知道屋企有大量咖啡粉   不過唔醒起白咖啡粉係無色   而我仲勁   落粉時無為意   搓哂兩個麵圈先驚訝點解會差唔多色   咁無計啦   照焗囉

是日懶餐 - 水餃蝦子麵

水餃蝦子麵 - 灣仔白菜豬肉水餃   4 個蝦子麵   食蝦子麵真係無咁滯   如果出前一丁就會好快脹胃咁呢 ~

食完洗完又要焗曲奇   因為我想清哂啲牛油   今次用咗 1,000g 牛油咋   仲有 400g   買嘅時候會覺得自己一個月起碼會焗一次   但拖下拖下就唔記得   一係懶   下次真係唔好再買牛油喇   搵自己嚟搞 ~

8 點焗到 10 點   超級攰呀   好在口感都好鬆脆   不過我唔食嘅   多數焗比家姐   叫佢分比同事或者工人食   最緊要食幫口食哂就得㗎喇 ~