元氣壽司 @ 九龍灣 ( 26-JUL-2015 ) (禁)

芝麻八爪魚 

螺肉

吞拿魚壽司 / 油甘魚壽司 / 三文魚壽司 x 2 / 羅勒香草赤海蝦 x 4

我呢期勁愛嘅羅勒香草赤海蝦 

炸蝦卷 / 三文魚腩壽司 x 2 

三文魚籽軍艦

海膽墨魚軍艦 / 芥辣八爪魚軍艦

玉米蝦船

日本朱古力蛋糕

( 26-JUL-2015  SUN )

今朝 9 點半已經醒咗   仲諗住起碼瞓到 12 點添   因為啲藥勁料嘛 ~

里奧大人問我食咩 ?!   我話你話事啦   佢話金姆指   我話唔好   咁麻酸樂呢   我話唔想   之後我話想去大快活   佢喺度笑   話一早就講大快活啦   假民主   哈哈   我承認我係 ~

唔係講笑   我好少出街食雞扒   但依家禁食祈禱只食白肉   加上我唔多舒服   就算食炸嘢都唔好喺里奧大人面前食啦   未比佢煩過咩   哈哈 ~

今日唔番教會   我想喺屋企休息   咁沖埋涼   開機洗埋衫就食藥   我同里奧大人講   我其實好攰   但硬係瞓唔到咁   感覺有啲似失眠感覺   里奧大人就開始擔心我喇   咁我睇飲食男女啦   等對眼攰啲可以瞓嘛   咁真係越睇越眼瞓   1 點 50 分開始瞓   瞓到 2 點 10 分   咁都好   熟睡 20 分鐘   又好似精神好多   最搞笑係里奧大人話   佢見我瞓咗   去廁所都唔敢   驚我聽到聲音又醒呢   因為我真係超級勁醒瞓呢 ~

差唔多 3 點就去食 tea   4 點半出發去探媽咪喇 ~

原來係吉列雞扒嚟嘅   咁唯有唔食塊皮啦   

咁里奧大人話去廁所   咁我行入去先嘛   佢叫我記得唔好頂咀   好搞笑   因為我成日話會忍唔住發火   佢入哂腦啦   哈哈 ~

媽咪今晚食咗啲粥   咁都好   之後佢又係瞓啦   我唔理佢 lu   因為我都好攰   之後家姐嚟埋   拎咗少少雲吞麵比媽咪食   咬粒雲吞就吐出來話唔食   話依家鍾意食齋   其實我想話明知雲吞有蝦有肉就一早唔好食啦   妳唔係第一日食雲吞呀嘛   不過我唔出聲㗎喇   留番啖氣暖肚好過 ~

坐到 6 點 45 分走喇   其實媽咪唔係瞓嘅話   我哋一定會陪到 8 點   但佢都係瞓   咁我哋走好過   好過咁樣好浪費時間 ~

揸車去淘大   因為今晚去元氣   用埋啲 Coupon ~

食到 8 點幾就走喇   家姐同我去萬寧換 Staub   佢係都要再送多個煲比我   佢自己再加 $199 換 2 個大碗   換哂就走喇   因為我要同里奧大人去買啤酒   所以佢自己去停車場 lu ~

番到屋企即沖涼   抖陣就食藥   11 點即瞓   難得想瞓嘛 ~