Babymama: 熱晴 ♡ 胡志明市。越南 (頭頓 & 美拖椰子島) 5 天美食團 DAY 5 (PART 2/3) ( 1-JUL-2015 )

2015年7月1日星期三

熱晴 ♡ 胡志明市。越南 (頭頓 & 美拖椰子島) 5 天美食團 DAY 5 (PART 2/3) ( 1-JUL-2015 )

( 1-JUL-2015 WED ) - PART 2/3

11 點走人喇要快啲出胡志明市因為驚塞車呀 ~

Market 出面係咁嘅

講開食嘢賓尼兔話台灣人最夠膽食真係乜都食落口十幾年前有團喺大叻專食野味食熊掌要 USD300 㗎又會飲蛇血因為可以醫皮膚敏感我第一次去台北嘅時候里奧大人就帶我睇劏蛇放血呀好在當時無人要飲蛇血咋賓尼兔話想蛇血易入口啲呢就加可樂一齊飲因為同顏色 ~

又話越南以前有種飯叫做 "陰府飯" 係白飯+白醋+黑芝麻係比老百姓食嘅咁經過皇城夜晚係無燈嘛所以好似鬼食飯咁囉我即刻諗白醋加飯真係好難食啫同埋唔明點解要加白醋加水都得啦 ~

繼續向前

每日都會派 1 支水比妳所以唔驚會口渴

我要望多啲喇

好危險喎

咁熱天時執樹葉真係好辛苦呢

路路暢通

11 點 15 分喇見到 Slow Down 應該差唔多出到市區喇

咁快又要再比錢

影到佢好似坐喺架火車入面咁哈哈

佢熱唔熱呢下 ?!

又見到好多電單車喇

望隔離條馬路真係無盡頭咁噃

Fashion

Pizza Hut 唔知有咩特色 Pizza 呢 ?!

差唔多 11 點 40 分就去餐廳食早飯喇今餐食順化皇帝餐 係自費嘅每人 HK$110 其實呢餐點都要食啦因為唔係就好難 Join 番佢哋不過老實講如果自己出去食再搭車都可能要咁嘅價錢但今日要去機場所以都係跟大隊好啲 ~

到餐廳喇

好中國 Feel

上去食嘢喇

我好驚行呢啲樓梯因為望到底下呢我會腳軟

又係坐長長嘅枱而我哋呢團係坐近窗口位置呢

皇帝餐係有 400 款食物但每日只出 8 款食物一坐低又見到呢 3 寶喇

冰凍嘅可樂即刻諗起頭先賓尼兔話蛇血加可樂哈哈

開餐喇

每人一塊荷葉

專人教妳點食㗎哈哈今次我哋醒喇睇住佢點樣整

原來荷葉入面係有嘢嘅好多蝦米

捲呀捲

其實我覺得幾難捲我捲到就嚟裂開咁滯

里奧大人捲嘅都唔錯喎

唔蘸魚露真係無味囉

用塊荷葉包食物真係唔錯碟都唔駛洗哈哈

蝦片呀發達喇

好好味呀

春卷食到有啲驚哈哈

四方形係炸糯米完全無味嘅但炒豬肉就超好味 我覺得越南整烤豬肉整得好好味呢

其實越南嘢好多時都有呢啲粉皮嘢唔蘸醬汁真係無厘味道同埋呢啲小食其實都好鬼飽肚囉

係蘸呢個醬汁一齊食嘅但唔記得咩味道 lu

荷葉飯

咁啱團友用閃光燈所以好似幫我打燈咁哈哈

最後就係呢碗米線好在係細細碗同埋我無食荷葉飯所以可以食得哂

切到靚靚嘅西瓜

我覺得似聖誕樹

食到 12 點 45 分就坐車去 Lucky Plaza ( 古董自由街 ) 賓尼兔話以前真係買仿古咁比人賣哂之後就賣其他嘢喎但其實我覺得附近啲店舖買嘅嘢喺越南嚟講都叫高級同埋又有貴價酒店不過我都係鍾意舊區多啲生活化啲嘛 ~

賓尼兔無啦啦講開佢有次跟團去大陸導遊叫佢地飲湯好喇唔好啜啲豬骨但賓尼兔照啜啲豬骨啦之後佢去洗手間經過一個洗碗嘅地方佢見到個阿姐喺碗度拎番啲骨出嚟再用水沖一沖之後就掉番落煲湯度勁嘔心呀佢當堂好後悔無聽導遊嘅忠告呀哈哈 ~

出發喇

妳眼望我眼哈哈

呢度係馬路嚟㗎喎但係人有人行車有車行真係勁亂所以一睇我過馬路就知我係外來人啦因為我要等到無咁多車先敢行嘛

想落雨喇

又經過呢度

呢間係咩來好靚咁喎其實今次影好多相都係坐緊車影嘅影到啲啲已經好好㗎喇因為真係要眼明手快所以真係要拎重機起碼唔會手震哈哈

到 Lucky Plaza 喇

入去裝番啲 Lucky 先哈哈

嚟料

入口我都係鍾意睇啲民族特色嘢多啲

賓尼兔帶我哋去超市呀呢間就真係似超市喇 1 點 15 分開始行行到 1 點 45 分好在我哋喺室內因為出門落緊超勁大雨呀 ~

買咗少少嘢咁啦因為好多都無寫中文同英文無理由下下拎去問賓尼兔家嘛佢唔嫌煩我都嫌攰啦哈哈 ~

入超市喇里奧大人話我第一時間禿鷹上身一見啱買就飛埋去平時做嘢唔見咁快哈哈我將啲嘢又拎起又放低所以成日要按住部相機唔係撞爆因為我實在太論盡呢

想買米㗎所以問賓尼兔邊隻好食咁佢幫我哋揀話 2 Kgs 係米碎叫我咃唔好買咁 5 Kgg 就靚喇但我覺得 5 Kgs 太多喇所以只好忍痛放棄呢