太興 @ 九龍灣 ( 11-APR-2016 )

金華火腿砂窩雲吞雞 $108 ($68) - 我覺得好油囉   同埋啲雲吞皮浸到腍哂   完全唔掂

魚香茄子肉鬆煲 $75 ($57) + $19 轉餐 (白飯 + 飲品) - 雖然好惹味   但又係好油呢

回味菠蘿咕嚕肉 ($59)

( 11-APR-2016  MON )

尋晚瞓得勁唔好   去咗 2 次廁所   唔知係咪飲咗湯呢 ~

雖然瞓得唔好   但都 OK 精神   唔係走肉行屍咁款 ~

今朝里奧大人去北角見客   所以陪我食早餐   開心開心 ~

菇場忙呀   勁充實   好快就 Lunch Time   但唔太餓   所以食麥皮算喇 ~

忙到 3 點左右就搞掂哂   可以抖下 lu ~

里奧大人又要去官塘見客   之後再去睇牙醫   今次最後一次去牙醫度喇   我完全都唔知佢做過啲咩添   只係知道要杜牙根   但呢個醫生唔掂啦   姑奶仲話好掂好掂   我都同里奧大人講咗啦   話姑奶話好就即係唔好   因為佢覺得好就=全宇宙最好   但佢只係睇個呢個牙醫咋喎   都無同其實牙醫比較   咁點為知好好呢 ?!   同埋我上網睇過話呢個牙醫唔掂家嘛   但里奧大人又無時間搵其他牙醫   咁先睇呢個   之後另一個姑奶都話呢個牙醫唔掂呀   所以叫里奧大人唔好再信姑奶講話乜好乜好喇   哈哈 ~

我好攰呀   又頭暈   同里奧大人講話出去食   同埋尋日見到太興有驚喜價好似好抵   所以去太興食呢 ~

里奧大人同我同步番屋企   咁放低啲嘢就去太興喇   6 點去到就啱啱係晚市時間   今晚早啲食早啲休息 ~

食完行個大運就番屋企喇   無啦啦搞肚痛   都應該係油得滯㗎喇   次次都會咁呢 ~

沖埋涼就打機   食埋生果就休息喇    里奧大人就繼續做公司嘢   做到成 10 點呀   佢沖埋涼抖陣   我自己 10 點半就瞓先喇   因為覺得好凍又好攰呢 ~