元氣壽司 @ 九龍灣 ( 2-APR-2016 )

油甘魚壽司 / 三文魚腩壽司 / 海鹽赤海蝦壽司

鵝肝壽司

芥辣八爪魚軍艦

炸三文魚皮

( 2-APR-2016  SAT )

今朝 7 點 45 分起身番工   如果唔駛番就發達喇   哈哈 ~

早餐食飽啲   可以頂到 2 點 ~

菇場唔忙呀   咁又 Load 下相啦 ~      

放工同高妹一齊搭車   教埋佢點行去德福   我就番屋企 lu ~

媽咪今日出院   工人 9 點已經到醫院 Stand-by   但家姐話佢咃 1 點幾先番到屋企呀   家姐話媽咪想食干炒牛河   但佢唔比   只係買咗碗魚蛋麵   但就倒哂啲湯   再用水沖淡去   咁都好   起碼無咁鹹 ~    

2 點半去譚仔食嘢   去埋惠康買生果就番屋企   之後家姐叫我地買風筒比媽咪   里奧大人今晚去菜菜女百日宴   但佢約咗媚媚早啲去 Cafe 飲嘢   咁 4 點出發去買風筒啦   買完就送里奧大人上巴士   我同佢講   記得叫我唔好上車   哈哈 ~

一個人真係好難食得哂成碟麻辣豬耳   所以我帶定個玻璃盒   留番半碟後晚食 

5 點唔夠就到媽咪屋企 lu   媽咪都係瞓   但我覺得佢精神過喺醫院   感恩 ~

家姐 6 點半差唔多到媽咪屋企   咁我去買粟米斑塊飯套餐比媽咪佢哋食   之後 Join 埋家姐一齊番媽咪屋企   一個粟米斑塊加個白飯同飲品要 $70   我覺得貴呀真係   最搞笑家姐都話貴   一定要食哂   咁媽咪依家食好少嘢嘛   工人又食得唔多   所以家姐食咗 1/3 碗飯   咁佢哋先食得哂哂咋 ~   

坐到 7 點左右就走喇   順便拎埋啲魚番屋企   今晚同家姐去食壽司   感恩等咗 5 分鐘就有位   咁我番屋企放好啲魚   之後再落去呢 ~

食到 8 點走人   今餐抵爆   用埋 $130 積分   只係比 $8.6   呵呵 ~   

去 Taste 買嘢   家姐有張卷係買糧油食品滿 $150 就減 $30   不過依家罐頭咁鬼貴   真係買 2 Pack 豆豉鯪魚都用咗 $120   但佢之前又買咗   所以買粟米湯咁啦   再買下出前一丁同其他嘢   今次我又無帶環保袋   好在我揹布袋   家姐就本身有個環保袋   但都裝唔哂   唯有佢手拎兩 Pack 韓國辣撈麵   我拎兩 Pack 生果囉 ~

勁鬼重啦   佢買咗 10 罐罐頭同 1 Pack 士多啤梨同 2 Pack 麵   仲有 10 包出前一丁   加上我之前幫佢買咗保鮮紙同腐乳   佢仲話揹上膊頭唔係咁重   點知佢等 Lift 嘅時候同我講   話揹住嚟等都幾重   哈哈 ~

$9/支   買 4 送 1 再 92 折   即係 $6.6./支   抵過 759   所以買嚟試下

我再執好啲嘢就沖涼   原來已經 10 點   拿拿聲沖涼喇   食咗抗生素   個人勁攰   個人好似散哂咁   好在食埋聽日啫 ~

里奧大人 11 點幾去舖頭幫手   咁我睇雜誌等佢啦   12 點幾都喺梳化瞓着咗   之後凍醒   望下個鐘原來已經 1 點幾   咁我入房瞓喇   驚冷親 ~

瞓到濛濛瀧瀧   我聽到音樂聲   原來係屋企電話響   原來里奧大人已經喺屋企門口   佢話頭先按咗 1 分鐘門鐘都無人應   電話響咗 30 秒又無人聽   佢驚我暈咗呀   佢話如果我再唔聽電話   諗住報警添呀   不過今晚又勁搞鬼啦   無諗過佢要去舖頭幫手嘛   所以我叫佢唔駛拎屋企鎖匙啦   反正我喺屋企   預咗 11 點番到屋企   咁我都未瞓嘛 ~

望下個鐘係 2 點   但我入房瞓咗半個鐘左右   估唔到瞓得咁林   但里奧大人番嚟之後   我就醒咗啦   佢勁興奮叫我估今晚有邊個到   傾咗陣就去沖涼   出嚟再傾啦   傾到差唔多 3 點先瞓 ~